12 ناۋرىزدا نوۆوسيبيرسكىگە قاتىنايتىن رەيس توقتاتىلعان بولاتىن
كومپانيانىڭ باسپا ءسوز قىزمەتى رەسەيگە جوسپارلانعان بارلىق رەيستەر 2022 جىلدىڭ 13 ناۋرىزىنان باستاپ قايتا قالپىنا كەلتىرىلەتىنىن، بيلەتتەردى برونداۋ قولجەتىمدى ەكەنىن مالىمدەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
«2022 جىلى 12 ناۋرىزدا نوۆوسيبيرسكىگە قاتىنايتىن رەيستىڭ توقتاتىلۋىنا بايلانىستى تۋىنداعان ۋاقىتشا قولايسىزدىقتار ءۇشىن كەشىرىم سۇرايمىز. Qazaq Air اۋەكومپانياسى قازاقستاندىق جانە حالىقارالىق ستاندارتتارعا سايكەس ۇشۋ قاۋىپسىزدىگىن قامتاماسىز ەتۋ بويىنشا بارلىق تالاپتاردى ساقتايدى»،-دەلىنگەن Qazaq Air اۋەكومپانياسى تاراتقان مالىمەتتە.
ءبىر كۇن بۇرىن QAZAQ AIR ساقتاندىرۋ ۇيىمىنان رەسەي اۋماعىندا جانە ونىڭ اۋە كەڭىستىگىنە قاتىستى ساقتاندىرۋ تولەمىن ۇسىنبايتىنى تۋرالى حابارلاما الدى. وسىعان بايلانىستى اۆياكومپانيا 12 ناۋرىزدا نوۆوسيبيرسكىگە قاتىنايتىن رەيس توقتاتىلعانىن حابارلاعان.
بيلەتتەردىڭ اقىسىن قايتارىپ الۋ ءۇشىن جولاۋشىلارعا ساتىپ الۋ ورنىنا حابارلاسۋعا كەڭەس بەرىلدى.