EGov mobile ءموبيلدى قوسىمشاسى قازاقستاندىقتارعا ءارتۇرلى ومىرلىك جاعدايلارعا بايلانىستى جەكە push حابارلامالارىن جىبەرەدى.
جاڭارتۋلار قازاقستاندىقتارعا الداعى ماڭىزدى كۇندەر تۋرالى ەسكە سالۋعا مۇمكىندىك بەرەدى: زەينەتكە شىعۋ، جوو-عا ءتۇسۋ جانە ءبىتىرۋ، بالانى مەكتەپكە قابىلداۋ، ە-ليسەنزيالاۋ پورتالىنىڭ وتىنىمدەرىن ماقۇلداۋ جانە كومپانيا باسشىسىنىڭ اۋىسۋى تۋرالى حابارلامالار.
«ءبىز ازاماتتارعا قىزمەت كورسەتۋ جۇمىستارىن بەلسەندى تۇردە جالعاستىرىپ جاتىرمىز، ءبىز ءارتۇرلى ومىرلىك جاعدايلارعا ارنالعان تاعى جەتى push حابارلامانى ىسكە قوستىق. بۇل مەملەكەتتىك مەكەمەلەرگە بارماي-اق ادامداردى ماڭىزدى كۇندەر تۋرالى الدىن الا حاباردار ەتۋگە جانە «كورىنبەيتىن» قىزمەتتەر كورسەتۋگە كومەكتەسەدى. وسىلايشا، ءبىز قازاقستاندىقتاردى الداعى كۇندەر تۋرالى الدىن الا ءبىلىپ، ەسكەرتەمىز. ۋاقىت وتە كەلە مۇنداي قىزمەتتەردىڭ سانى ارتادى، بۇلاي ءبىز كوپتەگەن مەملەكەتتىك قىزمەتتەردى الۋ پروسەسىن جەڭىلدەتە الامىز»، - دەپ اتاپ ءوتتى «ۇلتتىق اقپاراتتىق تەحنولوگيالار» اق باسقارما ءتوراعاسى روستيسلاۆ كونياشكين.
جىبەرىلگەن push حابارلاندىرۋلارىن ءموبيلدى قولدانبانىڭ «حابارلاندىرۋلار» بولىمىندە كورۋگە بولادى. ءموبيلدى قوسىمشا ورناتىلماعان جاعدايدا پورتالدىڭ جەكە كابينەتىندە eGov.kz ۇيالى ءنومىر كورسەتىلگەن بولسا، پايدالانۋشىعا قوسىمشانى جۇكتەۋگە سىلتەمە جاساي وتىرىپ، 1414-تەن جاڭا حابارلامانىڭ كەلىپ تۇسكەنى تۋرالى اقپاراتى بار SMS جىبەرىلەدى.
ايتا كەتەيىك، بۇل جاڭارتۋلار مەملەكەت باسشىسىنىڭ Invisible Government تۇجىرىمداماسى اياسىندا جۇزەگە اسىرىلدى. ياعني، مەملەكەت قازاقستاندىقتارعا قاجەتتى مەملەكەتتىك قىزمەتتەردى ۇسىنادى جانە ولاردى ومىرلىك سيكلدىڭ بارلىق كەزەڭدەرىندە سۇيەمەلدەيتىن بولادى.