بۇل تۋرالى «ۇلتتىق اقپاراتتىق تەحنولوگيالار» اق باسپا ءسوز قىزمەتى ءمالىم ەتتى، دەپ حابارلايدى اlmaty-akshamy.kz.
ەندى ءموبيلدى قوسىمشانى پايدالانۋشىلار جۇمىس بەرۋشىمەن ەڭبەك شارتىنا تەك قاعاز تۇرىندە عانا ەمەس، سمارتفوندى پايدالانىپ، eGov mobile قوسىمشاسى ارقىلى قول قويا الادى.
جۇمىس بەرۋشى https://hr.enbek.kz پورتالىندا ءوزىنىڭ جەكە كابينەتىندە ەلەكتروندى ەڭبەك شارتىنىڭ جوباسىن جاسايدى جانە ونى جۇمىسشىعا كەلىسۋگە جولدايدى. جۇمىسشى شارتقا قول قويۋ ۇسىنىسىمەن eGov Mobile ءموبيلدى قولدانباسىندا push-حابارلاما كەلەدى. جۇمىسشى ءوزىنىڭ جەكە باسىن قىسقا پارولمەن، ءموبيلدى قوسىمشاداعى بيومەتريالىق دەرەكتەرمەن راستايدى، push-حابارلاما ارقىلى وتەدى. جۇمىسشى ەڭبەك شارتىمەن تانىسادى، ەگەر شارتتارمەن كەلىسسە، قىسقا كودتى ەنگىزىپ نەمەسە بيومەتريالىق دەرەكتەرمەن تەكسەرۋدەن ءوتىپ، ءوزىنىڭ ەسق كومەگىمەن قول قويادى. جۇيە http://hr.enbek.kz پورتالىنداعى جۇمىس بەرۋشىنىڭ جەكە كابينەتىنە حابارلاما جىبەرەدى. جۇمىس بەرۋشى ەلەكتروندى ەڭبەك شارتىنا قولجەتىمدى تاسىلدەردىڭ بىرىمەن ەسق نەمەسە QR ارقىلى قول قويادى»، - دەپ جازىلعان حابارلامادا.
جۇيە قول قويىلعان ەلەكتروندى ەڭبەك شارتىن ەڭبەك شارتتارىن ەسەپكە الۋدىڭ ءبىرىڭعاي جۇيەسىنە تىركەۋگە اۆتوماتتى تۇردە جىبەرەدى، سودان كەيىن شارت جاسالعان بولىپ ەسەپتەلەدى.
جاڭا قىزمەت ءتۇرى ىسكە قوسىلعان ساتتەن باستاپ قول قويىلعان ەلەكتروندى ەڭبەك شارتىنىڭ سانى 775-كە جەتتى.