استانا كۇنىندە قازاقستاندىقتار قالاي دەمالادى؟

2024 جىلى 6 شىلدە، ياعني استانا كۇنى - مەملەكەتتىك مەرەكە، سەنبىگە سايكەس كەلەدى. ولاي بولسا، دەمالىس كۇنىن دۇيسەنبىگە اۋىستىرۋ ارقىلى قوسىمشا 1 دەمالىس جانە قىسقارتىلعان جۇمىس اپتاسىن بەرەدى. ءبىراق بۇل وزگەرىس التى كۇن  جۇمىس ىستەيتىندەرگە قاتىستى ەمەس،  دەپ حابارلايدى اlmaty-akshamy.kz. 

وسىلايشا، بەس كۇندىك جۇمىس ىستەيتىندەر ءۇشىن: 6، 7 جانە 8 شىلدە 2024 - دەمالىس كۇندەرى، ءبىراق التى كۇندىك جۇمىس ءۇشىن 8 شىلدە - جۇمىس كۇنى سانالادى.

سونىمەن قاتار، وسى ايدا كاسىبي جانە باسقا دا مەرەكەلەر بار. جۇمىس كۇنىنە قاراماستان، اتاۋلى داتاعا قاتىسى بارلار بۇل كۇندى اتاپ ءوتىپ، ءبىرىن-بىرى قۇتتىقتايدى.

كاسىبي مەرەكەلەردىڭ تىزبەسى جاڭا رەداكسيادا ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ م.ا. 17.11.2023 جىلعى №480 بۇيرىعىمەن، ول العاشقى رەسمي جاريالانعان كۇنىنەن باستاپ قولدانىسقا ەنگىزىلدى.

2 شىلدە - ديپلوماتيالىق قىزمەت كۇنى؛

7 شىلدە (شىلدەنىڭ ءبىرىنشى جەكسەنبىسى) - ۇلتتىق دومبىرا كۇنى؛

9 شىلدە - سۋ شارۋاشىلىعى قىزمەتكەرلەرى كۇنى؛

13 شىلدە - قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ كۇنى؛

14 شىلدە - نوتاريات كۇنى؛

14 شىلدە (شىلدەنىڭ ەكىنشى جەكسەنبىسى) - بالىق شارۋاشىلىعى قىزمەتكەرلەرى كۇنى؛

21 شىلدە (شىلدەنىڭ ءۇشىنشى جەكسەنبىسى) - مەتاللۋرگ كۇنى؛

28 شىلدە (شىلدەنىڭ ءتورتىنشى جەكسەنبىسى) - ساۋدا قىزمەتكەرلەرى كۇنى.