eGov Mobile قوسىمشاسىندا شەتەلدە الىنعان جوعارى جانە جوعارى وقۋ ورنىنان كەيىنگى ءبىلىم تۋرالى ديپلومداردى تانۋ قىزمەتى قولجەتىمدى بولدى، دەپ حابارلايدى aqshamnews.kz
قىزمەت شەتەلدىك جوعارى وقۋ ورىندارىنىڭ تۇلەكتەرىنە قازاقستاندا جۇمىسقا ورنالاسۋ نەمەسە وقۋىن جالعاستىرۋ ءۇشىن ديپلومىن رەسمي تۇردە راستاۋعا مۇمكىندىك بەرەدى.
"بۇرىن ديپلومدى تانۋ ءراسىمى جەكە ءوتىنىش بەرۋدى جانە قاعاز قۇجاتتاردى جيناۋدى تالاپ ەتسە، ەندى بۇكىل پروسەسس ونلاين فورماتتا قولجەتىمدى. بۇل ءوتىنىشتى قاراۋ مەرزىمىن ەداۋىر قىسقارتىپ، قىزمەتتى پايدالانۋشىلار ءۇشىن ىڭعايلى ەتەدى"، - دەلىنگەن حابارلامادا.
قىزمەتتى پايدالانۋ ءۇشىن:
eGov Mobile قوسىمشاسىندا اۆتوريزاسيادان ءوتۋ قاجەت؛
"قىزمەتتەر" – "ءبىلىم" بولىمىندە "جوعارى جانە جوعارى وقۋ ورنىنان كەيىنگى ءبىلىم تۋرالى قۇجاتتاردى تانۋ" قىزمەتىن تاڭداۋ؛
ءوتىنىشتى تولتىرىپ، قاجەتتى قۇجاتتاردى تىركەپ جانە تولەم جاساۋ قاجەت؛
ءوتىنىشتى قول قويۋدىڭ قولجەتىمدى ادىستەرىنىڭ بىرىمەن راستاۋ.
ءوتىنىش زاڭنامادا بەلگىلەنگەن مەرزىمدە قارالادى. ناتيجەسىندە، پايدالانۋشى ديپلومدى تانۋ تۋرالى ەلەكتروندىق قۇجاتتى الادى نەمەسە زاڭدا كوزدەلگەن نەگىزدەر بويىنشا دالەلدى جاۋاپ بەرىلەدى.
"جاڭارتىلعان قىزمەت ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى، "ۇلتتىق اقپاراتتىق تەحنولوگيالار" اق جانە ق ر عىلىم جانە جوعارى ءبىلىم مينيسترلىگىمەن بىرلەسىپ جۇزەگە اسىرىلدى".