ۆيسە-پرەمەر اتا-انالار ءۇشىن ەرەكشە لايفحاكپەن ءبولىستى.
ەرمەك كوشەربايەۆتىڭ سوزىنشە، اتالعان جەلىدە بالانىڭ قاۋىپسىزدىگىن باقىلاۋعا مۇمكىندىك بار.
– TikTok پارامەترلەرىندەگى كامەلەتكە تولماعانداردىڭ قاۋىپسىزدىگى ءۇشىن اتا-انالار "اتا-انا باقىلاۋى" باعدارلاماسىنا قوسىلىپ، "وتباسىلىق باپتاۋ" ارقىلى اتا-انا ءجاسوسپىرىمنىڭ ەسەپتىك جازباسىن ءوز ەسەپتىك جازباسىمەن بايلانىستىرا الادى، – دەلىنگەن رەسمي جاۋاپتا.
اتالعان تەتىك ارقىلى اتا-انا بالاسىنىڭ قولىنداعى سمارتفوننىڭ ەكران ۋاقىتىن شەكتەپ، قۇپيالىلىق ورناتۋعا بولادى ءارى جەكە حابارلامالاردى ءقاۋىپسىز ەتۋ دە وڭاي.
– TikTok ونلاين پلاتفورماسىنىڭ ىشكى ەرەجەسىنە سايكەس، ونى 13 جاستان اسقان ادامدار عانا قولدانا الادى جانە پلاتفورماداعى كەيبىر مۇمكىندىكتەرگە كامەلەت جاسىنا تولماعان جاستار ءۇشىن قول جەتكىزە المايدى. TikTok پلاتفورماسىن پايدالانۋشىلار ەكران ۋاقىتىن 40، 60 مينۋت، ءبىر جارىم ساعات نەمەسە كەز كەلگەن باسقا قالاعان ۋاقىتقا ورناتۋ ارقىلى جاسوسپىرىمدەردىڭ ونلاين پلاتفورمانى پايدالانۋ ۋاقىتىن شەكتەي الادى. ال اتا-انالار ورناتقان ۋاقىت شەگى اياقتالعاننان كەيىن جاسوسپىرىمدەردەن الەۋمەتتىك جەلىنى پايدالانۋدى جالعاستىرۋ ءۇشىن قۇپيا ءسوزدى ەنگىزۋ سۇرالادى. ول قۇپيا ءسوزدى ەنگىزگەن جاعدايدا عانا قوسىمشا 30 مينۋتقا قوسا الادى. اتا-انالار بەلگىلەنگەن كەستە بويىنشا TikTok حابارلاندىرۋلارىن وشىرە الادى. اتاپ ايتقاندا، 13 پەن 15 جاس ارالىعىنداعى پايدالانۋشىلار 21:00-دەن باستاپ، ال 16-17 جاس ارالىعىنداعى جاسوسپىرىمدەر 22:00-دەن باستاپ حابارلاما المايدى، – دەپ جازادى پرەمەر-مينيستردىڭ ورىنباسارى.
دەپساۋالعا بەرىلگەن جاۋاپتا وسى كۇنى وقۋ-اعارتۋ مينيسترلىگىنىڭ بالالارعا ارنالعان SIM-كارتا ەنگىزۋ ماسەلەسى قارالىپ جاتقانى ءسوز بولعان.
– ارنايى SIM كارتانىڭ كومەگىمەن اتا-انالار بالالارىن باقىلاپ، ولاردىڭ ونلاين ۋاقىتىن شەكتەي الاتىن بولادى. مۇقيات تالداۋ جۇرگىزىپ، حالىقارالىق تاجىريبەنى زەردەلەگەننەن كەيىن بۇل باستاما زاڭنامالىق دەڭگەيدە بەكىتىلەدى، – دەپ قوسا كەتتى ەرمەك كوشەربايەۆ.