ول كامەلەتتىك جاسقا تولماعان ادامدى ساتتى دەگەن كۇدىككە ءىلىندى
18 اقپاندا باس پروكۋراتۋرا مەن ق ر ىشكى ىستەر مينيسترلىگىنىڭ قىزمەتكەرلەرى باحرەين كورولدىگىنەن 1989 جىلى تۋعان ق ر ازاماتىن ەكستراديسيالادى، دەپ حابارلايدى Almaty-akshamy.kz.
«ول باحرەين كورولدىگىندە جىنىستىق قاناۋ ماقساتىندا ق ر كامەلەتكە تولماعان ازاماتشاسىن ساتتى دەگەن كۇدىككە ءىلىندى. قىلمىس جاساعاننان كەيىن كۇدىكتى قىلمىستىق قۋدالاۋ ورگاندارىنان جاسىرىنىپ، وعان حالىقارالىق ىزدەۋ جاريالاندى»،-دەدى ق ر باس پروكۋراتۋراسىنىڭ باسپا ءسوز قىزمەتى.
قۇزىرلى ۆەدومستۆا مالىمەتىنشە، قازاقستان مەن باحرەين كورولدىگى اراسىندا ىزدەستىرىلىپ جاتقان ادامداردى ۇستاپ بەرۋ تۋرالى شارت بولماعان جاعدايدا، باس پروكۋراتۋرا باحرەين تاراپىمەن ايىپتالۋشىنى ەكستراديسيالاۋ تۋرالى ۋاعدالاستىققا حالىقارالىق قۇقىقتا قولدانىلاتىن ءوزارا تۇسىنىستىك قاعيداتى نەگىزىندە قول جەتكىزدى.
«قازىرگى ۋاقىتتا كۇدىكتى نۇر-سۇلتان قالاسىنىڭ تەرگەۋ يزولياتورىنا قامالدى»،-دەلىنگەن حابارلامادا.
ايتا كەتۋ كەرەك، اتالعان قىلمىسقا قاتىسى بار ءبىرقاتار ادامدار بۇرىن ۇزاق مەرزىمگە باس بوستاندىعىنان ايىرىلدى.