ەگيپەت قازاقستانعا تىكەلەي رەيستەردى ىسكە قوسادى

استانا – شارم-ەل-شەيح باعىتتارى بويىنشا تىكەلەي تۇراقتى جولاۋشىلار رەيستەرى اشىلادى.

مەملەكەت باسشىسىنىڭ حالىقارالىق رەيستەر سانىن ۇلعايتۋ، سونداي-اق «اشىق اسپان» رەجيمىن ىسكە اسىرۋ جونىندەگى تاپسىرماسى اياسىندا ق ر ييدم ازاماتتىق اۆياسيا كوميتەتى ەگيپەتتىڭ اۆياسيالىق بيلىك ورىندارىمەن بىرلەسىپ «Air Cairo» ەگيپەتتىك اۋە كومپانياسىنىڭ قازاقستانعا تۇراقتى جولاۋشىلار رەيستەرىن اشۋ ماسەلەسىن پىسىقتادى، دەپ حابارلايدى اlmaty-akshamy.kz

وسىلايشا، «Air Cairo» اۋەكومپانياسى ا-320 ءتيپتى اۋە كەمەلەرىندە استانا – شارم-ەل-شەيح باعىتتارى بويىنشا 2023 جىلعى 13 ناۋرىزدان باستاپ اپتاسىنا 2 رەيس جيىلىگىمەن (دۇيسەنبى جانە جۇما) جانە الماتى – شارم-ەل-شەيح باعىتتارى بويىنشا 2023 جىلعى 14 ناۋرىزدان باستاپ اپتاسىنا 2 رەيس جيىلىگىمەن (سەيسەنبى جانە سەنبى) تىكەلەي تۇراقتى جولاۋشىلار رەيستەرىن ورىنداۋدى باستاۋدى جوسپارلاپ وتىر .

بۇل اۋە كومپانيا الەمنىڭ 20-دان استام ەلىنە (ارمەنيا، دانيا، اۆستريا، ازەربايجان، فرانسيا، گرۋزيا، گەرمانيا، ۆەنگريا، يتاليا جانە ت.ب.) 50 باعىت بويىنشا حالىقارالىق رەيستەردى ورىندايدى.

اۋە كومپانيا پاركىندە Airbus A320، A320neo، ATR 72 جانە Embraer 190 ءتيپتى 19 اۋە كەمەسى بار.

قازاقستان مەن ەگيپەت اراسىنداعى اۋە قاتىناسىنىڭ اشىلۋى ەلدەر اراسىنداعى ساۋدا-ەكونوميكالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەتىن بولادى.