الماتىدا جۇزۋدەن جارىس وتۋدە

سايىسقا قاتىسىپ جاتقان 303 ادامنىڭ 250-گە جۋىعى الماتى قالاسىنان.

الماتىدا جۇزۋدەن جارىس ءوتىپ جاتىر، دەپ حابارلايدى اlmaty-akshamy.kz

ءجۇزۋ بويىنشا قالالىق چەمپيونات پاندەميادان كەيىن ءبىرىنشى رەت ءوتىپ جاتىر. شارا D-Fitness سپورت-ساۋىقتىرۋ كەشەنى مەن الماتى ءجۇزۋ فەدەراسياسىنىڭ قولداۋىمەن ۇيىمداستىرىلعان. سايىسقا قاتىسىپ جاتقان 303 ادامنىڭ 250-گە جۋىعى الماتىدان، ال قالعاندارى قىزىلوردا، ساتبايەۆ قالالارىنان، سونداي-اق قىرعىزستاننان كەلگەن قوناقتار قاتىسۋدا.  

«جارىسقا 50 مەتر قاشىقتىققا ەركىن ءجۇزۋ بويىنشا ق ر رەكوردسمەنى الەكساندر ۆاراكين، سونداي-اق جۇزۋدەن ۇلتتىق قۇراما مەن الماتى قالاسىنىڭ قۇراما كومانداسىنىڭ مۇشەلەرى دە قاتىستى. بۇل ستارتتا رەسپۋبليكا چەمپيوناتىنا قاتىسۋ ءۇشىن الماتى قالاسىنىڭ كومانداسىنا ىرىكتەۋ ءجۇرىپ جاتىر»، - دەدى الماتى قالاسى ءجۇزۋ فەدەراسياسىنىڭ ءتوراعاسى، حالىقارالىق دارەجەدەگى سپورت شەبەرى، ازيا ويىندارىنىڭ چەمپيونى، حالىقارالىق ستارتتاردىڭ جۇلدەگەرى ارتۋر ديلمان.

ايتا كەتەلىك، سوڭعى جارىس 2020 جىلدىڭ ناۋرىز ايىندا پاندەمياعا دەيىن وتكەن بولاتىن. چەمپيوناتقا 9 جاستاعى بالالاردان باستاپ ەرەسەكتەر دە ب ا ق سىناپ جاتىر.