2023 جىلعى 21 شىلدەدە ق ر عىلىم جانە جوعارى ءبىلىم ءمينيسترى ساياسات نۇربەك الماتىعا ساپارى اياسىندا اباي ۋنيۆەرسيتەتىندە بولدى.
مينيسترمەن كەزدەسۋ بارىسىندا رەكتور دارحان ءبىلالوۆ ۋنيۆەرسيتەت ينفراقۇرىلىمىن دامىتۋ تۇجىرىمداماسى تۋرالى تولىق اقپارات بەرىپ، «EdSmart Premium LED Doska» ينتەراكتيۆتى بەينەجازباسىنىڭ مۋلتيمەديالىق ستۋدياسى مەن KazDual وبسەرۆاتورياسىنىڭ جۇمىسىمەن تانىستىردى، دەپ حابارلايدى Almaty-akshamy.kz. وزىق تەحنولوگيالارمەن جابدىقتالعان جانە وقۋ پروسەسىندە بەلسەندى قولدانىستاعى ەكى نىسان دا قوناقتاردىڭ ۇلكەن قىزىعۋشىلىعىن تۋدىردى. بۇل كەزدەسۋ ۋنيۆەرسيتەتتىڭ قىزمەتى مەن تەحنيكالىق جابدىقتالۋىن باعالاۋعا مۇمكىندىك بەردى.
ەلىمىزدەگى تۇڭعىش جوعارى وقۋ ورنى – اباي اتىنداعى قازۇپۋ-دا جاڭا وقۋ جىلىنا قىزۋ دايىندىق ءجۇرىپ جاتقانىن ايتا كەتكەن ءجون. قازىرگى ۋاقىتتا وقۋ عيماراتتارى مەن جاتاقحانالاردى قايتا جاڭارتۋ، وقۋ اۋديتوريالارى مەن كوۆوركينگ-ورتالىقتارىن جاڭا قۇرىلعىلارمەن جانە جيھازدارمەن جابدىقتاندىرۋ، وقىتۋشىلار مەن ستۋدەنتتەرگە قولايلى جاعداي جاساۋ ءۇشىن بارلىق پروسەستەردى سيفرلاندىرۋ، سونداي-اق بۇكىل ۋنيۆەرسيتەت كەشەنىن جاڭعىرتۋ جۇمىستارى جالعاسۋدا.
رەكتور اباي اتىنداعى قازۇپۋ عيماراتتارى 19 عاسىردىڭ اياعىنان وتكەن عاسىردىڭ 80 جىلدارىنا دەيىن سالىنعانىن، سوندىقتان تاريحي عيماراتتاردىڭ ەرەكشەلىكتەرى مەن ىشكى دەكور ەلەمەنتتەرىن ساقتاي وتىرىپ، ۋنيۆەرسيتەتتىڭ ينفراقۇرىلىمىن جاڭارتۋ بويىنشا بەلسەندى جۇمىس جۇرگىزىلىپ جاتقانىن اتاپ ءوتتى.
«وتكەن جىلى 3500 ستۋدەنتتى جاتاقحانادان ورىنمەن قامتاماسىز ەتۋ ارقىلى ولاردىڭ تۇرعىن ءۇي جاعدايىن جاقسارتتىق. جاڭا وقۋ جىلىندا دا ءبىز ستۋدەنتتەردى جاتاقحانالارمەن قامتاماسىز ەتۋگە دايىنبىز، ول ءۇشىن وقۋ عيماراتىن جاتاقحانا ەتىپ قايتا قۇرۋ جوسپارلانۋدا، جاتاقحانالار سالۋ ءۇشىن ينۆەستورلار ىزدەستىرىلۋدە. بارلىق جەتى ينستيتۋتتىڭ ينفراقۇرىلىمىن دامىتۋعا جانە وقۋ پروسەسىن جاڭعىرتۋعا ۇلكەن ءمان بەرەمىز، بۇل ءبىزدىڭ ستۋدەنتتەردىڭ قاجەتتىلىكتەرىن بارىنشا قاناعاتتاندىرۋعا مۇمكىندىك بەرەدى»، - دەدى د.ءبىلالوۆ.
مينيستر ۋنيۆەرسيتەتتىڭ قابىلداۋ كوميسسياسىندا بولىپ، ونەر، مادەنيەت جانە سپورت ينستيتۋتىندا شىعارماشىلىق ەمتيحانداردىڭ وتكىزىلۋ بارىسىمەن تانىستى. ەل جاستارىنىڭ جوعارى ءبىلىم الۋىنا مۇمكىندىك بەرۋدىڭ ماڭىزدىلىعىنا توقتالىپ، قابىلداۋ كوميسسياسىنىڭ جۇمىسىنا ساتتىلىك تىلەدى.
«ءبىلىم بەرۋ مەن جوعارى ءبىلىمدى دامىتۋعا ينۆەستيسيالار قازاقستان ۇكىمەتى ءۇشىن باسىمدىق بولىپ تابىلادى»، - دەپ اتاپ وتكەن س.نۇربەك اباي ۋنيۆەرسيتەتىن دامىتۋدىڭ ستراتەگيالىق جوسپارلارىنىڭ جۇزەگە اساتىنىنا سەنىم ءبىلدىردى.