ەگەر كەنە شاقسا، نەشە ساعاتتا دارىگەرگە كورىنۋ قاجەت؟

الماتىدا 40 ادامدى كەنە شاقتى

الماتىدا ءساۋىر ايىندا قالالىق جەدەل-شۇعىل كومەك كورسەتۋ اۋرۋحاناسىنا كەنە شاققان 40 ادام تۇسكەن، دەپ حابارلايدى اlmaty-akshamy.kz «حابار 24»-كە سىلتەمە جاسا

پ.

ولاردىڭ بارلىعىنا كەنە يممۋنوگلوبۋلينى سالىندى، - دەدى اۋرۋحانانىڭ قابىلداۋ ءبولىمىنىڭ مەڭگەرۋشىسى باۋىرجان وماروۆ. ال جىل باسىنان بەرى ەكى ادامنان كەنە ەنسەفاليتى تابىلعان.

مامانداردىڭ ايتۋىنشا، ءساۋىر مەن ماۋسىم ايلارىندا ءقاۋىپتى جاندىكتەر بەلسەندى بولادى. الماتىدا كەنە شاعۋ ىقتيمالدىعى جوعارى ايماقتارعا كوكتوبە، مەدەۋ جانە الما-اراسان شاتقالدارى جاتادى. سوندىقتان دارىگەرلەر تابيعاتقا شىققاندا اباي بولۋدى ەسكەرتەدى. اق ءتۇستى جابىق كيىم كيگەن ءجون.

ەگەر كەنە شاقسا، العاشقى 72 ساعاتتا دارىگەرگە كورىنۋ قاجەت. زيانكەستى اۋرۋحاناعا وزىمەن بىرگە شىنى ىدىسقا سالىپ الىپ كەلگەنى ءجون.

سەبەبى، تابيعاتتاعى كەنەلەردىڭ 1،5-2 پروسەنتىندە عانا كەنە ەنسەفاليتىنىڭ قوزدىرعىشى بولادى. ونى تەك زەرتحانادا تەكسەرۋگە مۇمكىندىك بار.  

– كەنە اۋرۋىنىڭ قاتەرلىلىگى سوندا، ول اۋرۋ كەزىندە كەنە اۋرۋىنىڭ قوزدىرعىشى ارباۆيرۋستار ورتالىق جۇيكە جۇيەسىن زاقىمداي وتىرىپ، اۋرۋدا تەك قانا دەنە قىزۋى سونىمەن قاتار، ۋلانۋ تۋدىرماي، جانە وتە اۋىر تۇردە ءارتۇرلى سالدارلار تۋعىزۋى ىقتيمال. سوندىقتان، سالدانۋدىڭ اسەرىنەن ادام كەمتار بولىپ قالۋى مۇمكىن. سوندىقتان كەنە ەنسەفاليتىنا وتە دۇرىس كوزقاراسپەن قاراپ، ونى الدىن الا بولدىرماۋ قاجەت، - دەيدى قالالىق قوعامدىق دەنساۋلىق باسقارماسىنىڭ شتاتتان تىس باس ينفەكسيونيسى ءادىل قاتاربايەۆ.