بۇل جولى بۋبليكتىڭ جولى بولمادى

تەننيسشى الەكساندر بۋبليك مادريد تۋرنيرىندە ۇتىلىپ قالدى

قازاقستاننىڭ ءبىرىنشى، الەمنىڭ 33-راكەتكاسى الەكساندر بۋبليك مادريد ماستەرس ءتۋرنيرىنىڭ ەكىنشى اينالىمىنا شىعا المادى، دەپ حابارلايدى اlmaty-akshamy.kz.

قازاقستاندىق تەننيسشى العاشقى اينالىمدا رەيتينگتە وزىنەن ءبىر ساتى جوعارى تۇرعان سەربيالىق ميومير كەسمانوۆيچپەن شەبەرلىك بايقاستى.

بۇعان دەيىن قارسىلاستار ءوزارا ءبىر رەت كەزدەسىپ، وتكەن جىلدىڭ قىركۇيەگىندە ەلوردا تۋرنيرىندە ا.بۋبليك 2:6، 6:3، 7:5 ەسەبىمەن جەڭگەن ەدى.

بۇل جولى سەربيالىق سپورتشى برەيك جاساپ، ءبىرىنشى پارتيانى ءوز ەسەبىنە جازدى – 6:4.

م.كەسمانوۆيچ ەكىنشى سەتتە دە سول قارقىنىنان جاڭىلعان جوق – 7:5.

ءبىر ساعات 18 مينۋتقا سوزىلعان ماچ بارىسىندا ا.بۋبليك 19 ەيس جاساعانىمەن، ودان اسا كوپ پايدا كورە قويعان جوق. ەسەسىنە ەيسكە قول جەتكىزبەگەن قارسىلاسى 7 برەيك-پوينتتىڭ ەكەۋىن ءمۇلت جىبەرگەن جوق. م.كەسمانوۆيچ ەكىنشى اينالىمدا الەمنىڭ 4-راكەتكاسى، «ۇلكەن دۋلىعا» تۋرنيرلەرىنىڭ 21 دۇركىن چەمپيونى، يسپانيالىق رافاەل نادالمەن وينايدى.

جۇلدە قورى 6،7 ملن ەۋرودان اساتىن ءىرى جارىس 8 مامىر كۇنى مارەگە جەتەدى.