شەتەلدىك ساراپشى ەدگار سيبەرگەر قازاقستانعا اتوم ەلەكتر ستانسياسىن (اەس) سالۋدىڭ ەلگە اكەلەتىن ارتىقشىلىقتارى تۋرالى پىكىر ءبىلدىردى. ونىڭ ايتۋىنشا، قازاقستان ءوزىنىڭ يادرولىق الەۋەتىن دامىتۋ ارقىلى ەنەرگەتيكالىق تاۋەلسىزدىگىن نىعايتىپ، ەلەكتر ەنەرگياسىنىڭ تاپشىلىعىن ازايتادى، سونداي-اق بولاشاقتا كورشى ەلدەرگە ەنەرگيا ەكسپورتتايتىن ماڭىزدى سەرىكتەسكە اينالادى.
ەدگار سيبەرگەر، Assystem كومپانياسىنىڭ بيزنەستى دامىتۋ بويىنشا ساراپشىسى: – قازاقستاننىڭ ورتالىق ازياداعى ستراتەگيالىق ورنالاسۋى اتوم ەنەرگەتيكاسىنىڭ دامۋى ارقىلى جاڭا مۇمكىندىكتەرگە جول اشادى، ءبىراق بەلگىلى ءبىر قيىندىقتار دا تۋدىرۋى مۇمكىن. رەسەي مەن جۇڭگو سياقتى ەكى يادرولىق الپاۋىت ەل قازاقستانداعى اەس-تىڭ دامۋىنا قىزىعۋشىلىق تانىتۋدا. وسى جاعدايلاردا قازاقستان مۇقيات ءارى سالماقتى قادامدار جاساۋى ءتيىس. سونىمەن قاتار، ەلدە ۋران قورىنىڭ مول بولۋى تابيعي ارتىقشىلىق بەرەدى، بۇل قازاقستاننىڭ ايماقتىق ەنەرگەتيكالىق نارىقتاعى نەگىزگى ويىنشى بولۋىنا مۇمكىندىك تۋعىزادى.
اەس قۇرىلىسى قازاقستانعا تەك ىشكى ەنەرگەتيكالىق سۇرانىستى قاناعاتتاندىرۋمەن شەكتەلمەي، ايماقتاعى ەنەرگيا ەكسپورتتاۋشى ەل رەتىندە ءوز پوزيسياسىن نىعايتۋعا كومەكتەسەدى. الەمدىك نارىقتا ۋراننىڭ ءىرى جەتكىزۋشىسى بولا وتىرىپ، ەل ءوزىنىڭ وسى ارتىقشىلىعىن پايدالانۋى مۇمكىن. اسىرەسە، ەنەرگەتيكالىق قۋاتتىلىعى ارتىپ كەلە جاتقان جۇڭگو مەن رەسەي نارىقتارى قازاقستاننىڭ ەنەرگيا ەكسپورتتاۋشى رەتىندەگى ءرولىن ماڭىزدى ەتەدى.
ەنەرگەتيكالىق نارىقتاعى جاڭا مۇمكىندىكتەر اەس قۇرىلىسى ەلدىڭ ەنەرگەتيكالىق جۇيەسىن جاڭعىرتۋعا جانە ەلەكتر ەنەرگياسىن وندىرۋدە تۇراقتى كوزدەرگە قول جەتكىزۋگە كومەكتەسەدى. بۇل كومىرقىشقىل گازىنىڭ شىعارىلۋىن ازايتىپ، قازاقستاننىڭ ەكولوگيالىق تۇراقتىلىققا كوشۋىنە ىقپال ەتەدى. سونىمەن بىرگە، قازاقستان ورتالىق ازيانىڭ ەنەرگەتيكالىق حابى رەتىندە ءوزىنىڭ ءرولىن كۇشەيتە الادى.
سيبەرگەر اتاپ وتكەندەي، ەلدەگى ۋران قورى اەس ءۇشىن ماڭىزدى رەسۋرس بولىپ تابىلادى. ءقازىردىڭ وزىندە قازاقستان الەمدەگى ەڭ ءىرى ۋران جەتكىزۋشىلەرىنىڭ ءبىرى، جانە بۇل رەسۋرستى ءتيىمدى پايدالانۋ ەلدىڭ ۇزاق مەرزىمدى ەنەرگەتيكالىق ستراتەگياسىن جۇزەگە اسىرۋعا مۇمكىندىك بەرەدى. يادرولىق ەنەرگەتيكا سالاسىندا حالىقارالىق ىنتىماقتاستىقتى دامىتۋ، ونىڭ ىشىندە رەسەي، جۇڭگو، جانە باسقا دا يادرولىق دەرجاۆالارمەن ارىپتەستىك، قازاقستانعا قوسىمشا مۇمكىندىكتەر اشۋى ىقتيمال.
ەنەرگەتيكالىق تاۋەلسىزدىك پەن قاۋىپسىزدىك ەنەرگەتيكالىق تاۋەلسىزدىككە قول جەتكىزۋ قازاقستاننىڭ ەكونوميكالىق قاۋىپسىزدىگىن كۇشەيتىپ قانا قويماي، ەلدىڭ ەنەرگەتيكالىق جۇيەسىنىڭ تۇراقتىلىعىن ارتتىرادى. الەمدە كومىر مەن گازدىڭ باعاسى تۇراقسىز بولىپ تۇرعان كەزدە، اتوم ەنەرگەتيكاسى سەنىمدى جانە تۇراقتى ەلەكتر ەنەرگياسى كوزى رەتىندە قاراستىرىلۋدا. قازاقستان ءۇشىن بۇل ەنەرگەتيكالىق ءارتاراپتاندىرۋ جانە ۇزاق مەرزىمدى ەكونوميكالىق تۇراقتىلىققا جول اشادى.
ەدگار سيبەرگەردىڭ ايتۋىنشا، قازاقستان يادرولىق الەۋەتىن دامىتا وتىرىپ، حالىقارالىق ەنەرگەتيكالىق نارىقتا بەدەلدى ويىنشى بولۋ مۇمكىندىگىن ءتيىمدى پايدالانۋ كەرەك.