قازاقستاندا الداعى 5 جىلدا ەلەكتر ەنەرگياسىنىڭ تاپشىلىعى ساعاتىنا 13 ميلليارد كيلوۆاتتان اسۋى مۇمكىن دەگەن بولجام بار.
ساراپشىلاردىڭ پىكىرىنشە، بۇل ماسەلەنى شەشۋ ءۇشىن اتوم ەلەكتر ستانسياسىن سالۋ قاجەت. الايدا، الدىمەن الەمدىك تاجىريبەنى مۇقيات زەرتتەۋ ماڭىزدى. مىسالى، يسپانياداعى اتوم ەنەرگەتيكاسىنىڭ تولىق جۇمىس ىستەۋى مەن قاۋىپسىزدىگىن قامتاماسىز ەتۋ ءۇشىن ميلليونداعان ەۋرو ينۆەستيسيا سالىنعان.
Equipos Nucleares كومپانياسىنىڭ يادرولىق ينجەنەرى حەسۋس سايز دە ومەنياكا تيحەرو بۇل تۋرالى بىلاي دەدى:
– يسپانيادا اتوم ەنەرگەتيكاسى سوڭعى 10 جىلدا ەلدىڭ نەگىزگى ەنەرگەتيكالىق جۇيەسىنىڭ اجىراماس بولىگىنە اينالدى. ءبىزدىڭ ەلدە 47 ميلليون ادام تۇرادى، ال اتوم ەنەرگەتيكاسى ەلەكتر ەنەرگياسىن ءوندىرۋدىڭ شامامەن 20%-ىن قۇرايدى. بۇل ەنەرگيا 5 اتوم ستانسياسىندا ورنالاسقان 7 يادرولىق رەاكتور ارقىلى وندىرىلەدى. سونىمەن قاتار، اتوم ەنەرگەتيكاسى يسپانياداعى كومىرتەكسىز ەلەكتر ەنەرگياسىن وندىرۋگە ايتارلىقتاي ۇلەس قوسىپ وتىر.