الماتىدا سالىق سالۋشىلار ەاەو ەلدەرىنەن تاۋارلاردى اكەلۋ جانە اكەتۋ كەزىندە ءتىج ەنگىزۋ جوباسىن قالاي ىسكە اسىرۋدا
وسى تاقىرىپتا الماتى قالاسى بويىنشا مەملەكەتتىك كىرىستەر دەپارتامەنتى ەاەو شەڭبەرىندە قوسىلعان قۇن سالىعىن اكىمشىلەندىرۋ باسقارماسىنىڭ باسشىسى جان فارابي سەيتحاننىڭ قاتىسۋىمەن وڭىرلىك كوممۋنيكاسيالار قىزمەتىنىڭ الاڭىندا بريفينگ ءوتتى، دەپ حابارلايدى Almaty-akshamy.kz
جان فارابي سەيتحاننىڭ ايتۋىنشا، تاسىمالداناتىن جۇكتەرگە جۇرگىزىلگەن مونيتورينگ ناتيجەلەرى بويىنشا ەاەو اۋماعىندا تاۋارلاردىڭ ەركىن قوزعالىسى شەڭبەرىندە سالىق تولەۋدەن جالتارۋدىڭ ءارتۇرلى سحەمالارى، ونىڭ ىشىندە جالعان الۋشىلارعا تاۋارلاردى اكەلۋ قولدانىلعانى انىقتالدى.
سوندىقتان، سالىق اكىمشىلەندىرۋ پروسەستەرىن اۆتوماتتاندىرۋ جانە سيفرلاندىرۋ شەڭبەرىندە 2020 جىلدىڭ سوڭىندا ەاەو ەلدەرىنەن تاۋارلاردى يمپورتتاۋ جانە ەكسپورتتاۋ كەزىندە ءتىج ەنگىزۋ بويىنشا پيلوتتىق جوبا ىسكە قوسىلدى
"ءتىج ەنگىزۋگە بايلانىستى جالپى ەاەو ەلدەرىنەن جالعان الۋشىلارعا تاۋارلار يمپورتى 2019 جىلعى 10،2 مىڭ فاكتىدەن 2021 جىلى 259 فاكتىگە دەيىن ازايدى. ەاەو ەلدەرىنىڭ يمپورتى بويىنشا ققس تۇسىمدەرى 2021 جىلى 35%-عا نەمەسە 2020 جىلعا قاراي 236 ملرد تەڭگەگە ءوستى."، - دەپ ستاتيستيكالىق دەرەكتەردى وكق سپيكەرى اتاپ ءوتتى.
پيلوتتىق جوبانىڭ وڭ ناتيجەلەرىن ەسكەرە وتىرىپ، 2023 جىلدىڭ 1 ساۋىرىنەن باستاپ تاۋارلارعا ىلەسپە جۇكقۇجاتتاردى (ءتىج) شىعارۋ مىندەتتەمەسى كۇشىنە ەندى.
قازاقستان رەسپۋبليكاسى پرەمەر-مينيسترىنىڭ ورىنباسارى – قازاقستان رەسپۋبليكاسى قارجى ءمينيسترىنىڭ 2023 جىلعى 15 ناۋرىزداعى No 278 بۇيرىعىنىڭ 2-قوسىمشاسىنا سايكەس تاۋارلارعا ىلەسپە شوت-فاكتۋرالاردى جازۋ مىندەتى جۇكتەلەتىن تاۋارلاردىڭ تىزبەسى مىناداي:
- «بيووتىن ءوندىرىسىن جانە اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ زاڭىمەن رەتتەلەتىن بيووتىن ءوندىرىلۋى مەن اينالىمى.
- «ەتيل ءسپيرتى مەن الكوگول ءونىمىنىڭ ءوندىرىسىن جانە اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ زاڭىمەن رەتتەلەتىن ەتيل ءسپيرتى جانە الكوگول ءونىمى.
- "مۇناي ءونiمدەرiنiڭ جەكەلەگەن تۇرلەرiن ءوندiرۋدi جانە ولاردىڭ اينالىمىن مەملەكەتتiك رەتتەۋ تۋرالى" قازاقستان رەسپۋبليكاسىنىڭ زاڭىمەن رەتتەلەتiن مۇناي ءونiمدەرiنiڭ جەكەلەگەن تۇرلەرi.
- باقىلاۋ مەحانيزمى تۋرالى كەلىسىم بويىنشا قاداعالانۋعا جاتاتىن تاۋارلار
- ەۋرازيالىق ەكونوميكالىق وداققا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا اكەلىنەتىن تاۋارلار
- قازاقستان رەسپۋبليكاسىنىڭ اۋماعىنان ەۋرازيالىق ەكونوميكالىق وداققا مۇشە مەملەكەتتەردىڭ اۋماعىنا اكەتىلەتىن تاۋارلار
كەلىسىمگە سايكەس قاداعالانۋعا جاتاتىن تاۋارلاردىڭ تىزبەسى ەۋرازيالىق ەكونوميكالىق كوميسسيا كەڭەسىنىڭ 2022 جىلعى 21 قاڭتارداعى No 2 شەشىمىمەن بەكىتىلدى.
پيلوتتىق جوبا شەڭبەرىندە قاداعالانۋى جۇزەگە اسىرىلاتىن تاۋارلار تىزبەسى سىرتقى ەكونوميكالىق قىزمەتتىڭ تاۋار نومەنكلاتۋراسىنىڭ 11 كودىن (تۇرمىستىق توڭازىتقىشتار مەن مۇزداتقىشتار) قامتيدى.
"ايتا كەتۋ كەرەك، سالىق تولەۋشى ءتىج ۇسىنباعانى جانە ءتىج-تاعى مالىمەتتەردىڭ ناقتى تاسىمالداناتىن جۇككە سايكەس كەلمەۋى ءۇشىن اكىمشىلىك جاۋاپكەرشىلىك قاراستىرىلعان."، - دەدى جان فارابي سەيتحان.
اكىمشىلىك قۇقىق بۇزۋشىلىق تۋرالى كودەكسىنىڭ 283-1-بابىنا سايكەس، ءتىج-تى ۇسىنباۋ نەمەسە ۋاقتىلى ۇسىنباۋ، اتاۋىنىڭ سايكەس كەلمەۋى، تاۋاردىڭ سانىن (كولەمىن) ءتىج-تا سەنىمسىز كورسەتۋ – بەستەن وتىز ايلىق ەسەپتىك كورسەتكىش مولشەردە ايىپپۇل سالۋعا اكەپ سوعادى. شارۋاشىلىق جۇرگىزۋشى سۋبەكتىگە بايلانىستى ەسەپتىك كورسەتكىشتەر.
2023 جىلعى 1 ساۋىردەن باستاپ تاۋارلارعا ىلەسپە جۇكقۇجاتتاردى (ءتىج) شىعارۋ جونىندەگى مىندەتتەمەنىڭ كۇشىنە ەنۋىنە بايلانىستى مەملەكەتتىك كىرىستەر قىزمەتى سالىق تولەۋشىلەرگە ءتىج-تى مىندەتتى تىركەۋ قاجەتتىلىگى تۋرالى ءتۇسىندىرۋ جۇمىستارىن تۇراقتى نەگىزدە جۇرگىزەدى، اتاپ ايتقاندا:
1) ريدد وپەراسيالىق زالدارىندا باننەرلەر، بۋكلەتتەر ورنالاستىرىلعان؛
2) مكب (Instagram) رەسمي ينتەرنەت-رەسۋرستارىندا جەدەل جەلى تەلەفوندارىنىڭ نومىرلەرى ورنالاستىرىلعان؛
4) اپتا سايىن Instagram پاراقشالارىندا تجك ماسەلەلەرى بويىنشا تىكەلەي ەفير وتكىزىلەدى؛
5) اپتا سايىنعى نەگىزدە بەيسەنبى كۇندەرى سالىق تولەۋشىلەردىڭ قاتىسۋىمەن ZOOM كونفەرەنسيالارى ارقىلى سنت-نى تانىمال ەتۋ بويىنشا ءتۇسىندىرۋ جۇمىستارى جۇرگىزىلەدى.