21 جاستاعى الماتىلىق جىگىت قالا تۇرعىندارىنا جوو مەن اسكەري كافەدراعا تۇسۋگە كومەكتەسەمىن دەپ ۋادە بەرگەن.
Polisia.kzء-تىڭ مالىمەتىنشە، اڭعال الماتىلىقتار جوو مەن اسكەري كافەدراعا ءتۇسىرىپ بەرەمىن دەگەن الاياققا الداندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل جولى ءبىزدىڭ بولىمشەنىڭ كريمينالدىق پوليسيا قىزمەتكەرلەرى 21 جاستاعى ك.ەسىمدى ازاماتتى ۇستادى. جاس جانە كوپشىل “مامان” الداۋ جانە سەنىمگە كىرۋ ارقىلى قاراپايىم بايۋدىڭ تىزبەگىن ويلاپ تاۋىپ، قالا تۇرعىندارىنىڭ اقشاسىن يەمدەندى. قاسكوي تالاپكەرلەردىڭ وزدەرىنەن جانە اتا-اناسىنان الدىن الا اقشا الىپ، ۋنيۆەرسيتەتكە ءتۇسۋ كەزىندە ولارعا كەز كەلگەن كومەك كورسەتە الاتىنىن ايتىپ سەندىردى. ءبىراق ارام ويىمەن الدىن الا تولەمدى العان سوڭ، جاسىرىنىپ قالاتىن. الدىن الا بولجام بويىنشا، كۇدىكتى 5 ميلليون تەڭگەدەن استام قارجىنى يەمدەنگەن»، – دەدى بوستاندىق اۋداندىق پوليسيا باسقارماسىنىڭ باستىعى ماقسات قاناپيايەۆ.
قازىرگى ۋاقىتتا پب-نىڭ وندىرىسىندە ق ر قك-نىڭ 190-بابى 3-بولىگى بويىنشا وسىعان ۇقساس توعىز ەپيزود تەرگەلۋدە. كۇدىكتىگە قاتىستى ۋاقىتشا ۇستاۋ يزولياتورىنا قاماۋ تۇرىندەگى بۇلتارتپاۋ شاراسى تاڭدالدى. ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.