دەكلاراسيانى ەلەكتروندى تۇردە ۇسىنۋ بويىنشا فۋنكسيونال ىسكە قوسىلدى.
"ەلەكتروندىق ۇكىمەت" پورتالىندا (ە-gov.kz) "كەدەن جانە سالىقتار"، "سالىق سالۋ" بولىمىندە كىرىستەر مەن مۇلىك تۋرالى دەكلاراسيانى ەلەكتروندى تۇردە ۇسىنۋ بويىنشا فۋنكسيونال ىسكە قوسىلدى، دەپ حابارلايدى Almaty-akshamy.kz Inbusiness.kz سىلتەمە جاساپ.
سالىق كودەكسىنىڭ 633-بابىنا سايكەس، كىرىستەر مەن مۇلىك تۋرالى دەكلاراسيانى (270.00-نىسان) سالىق كودەكسىنىڭ 630-بابىنىڭ 1-تارماعىندا اتالعان جەكە تۇلعالار جىل سايىن، اكتيۆتەر مەن مىندەتتەمەلەر تۋرالى دەكلاراسيا (250.00-نىسان) ۇسىنىلاتىن جىلدان كەيىنگى جىلدان باستاپ ەسەپتى سالىقتىق كەزەڭنىڭ 31 جەلتوقسانىنداعى جاعدايى بويىنشا ۇسىنادى.
مەملەكەتتىك كىرىستەر كوميتەتىنىڭ اقپاراتىنا سايكەس، اكتيۆتەر مەن مىندەتتەمەلەر تۋرالى دەكلاراسيانى (250.00-نىسان) دا ە-gov.kz پورتالى ارقىلى تاپسىرۋعا بولادى. ونى اعىمداعى جىلى مەملەكەتتىك مەكەمەلەر مەن كۆازيمەملەكەتتىك سەكتور ۇيىمدارىنىڭ قىزمەتكەرلەرى مەن ولاردىڭ جۇبايلارى ۇسىنۋى قاجەت.