الەمدەگى ماگنات كومپانيالاردىڭ ءبىرى قازاقستانعا ينۆەستيسيا سالماق

"سارجا" كوپفۋنكسيونالدى تەرمينالىن سالۋعا مۇددەلىلىگىن راستادى.

الەمدەگى ەڭ باي ادامداردىڭ ءبىرىنىڭ حالىقارالىق كومپانياسى قازاقستاندىق پورتقا ينۆەستيسيا سالۋدى جوسپارلاپ وتىر، دەپ حابارلايدى Almaty-akshamy.kz LS-كە cىلتەمە جاساپ.

 يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، Adani group* قۇرىق پورتىندا "سارجا" كوپفۋنكسيونالدى تەرمينالىن سالۋعا مۇددەلىلىگىن راستادى. وسى ماقساتتا قازاقستاندىق "سيمۋرگ ينۆەست" كومپانياسىمەن استىق جانە امبەباپ تەرمينالداردى دامىتۋداعى ىنتىماقتاستىق تۋرالى مەموراندۋمعا قول قويىلدى.

بۇدان باسقا، ەنەرگەتيكا مينيسترلىگىنىڭ اقپاراتى بويىنشا، Adani Group-پەن اتىراۋ وبلىسىندا گاز-حيميا كەشەنىن سالۋ جونىندەگى جوبانى بىرلەسىپ ىسكە اسىرۋ مۇمكىندىگى قاراستىرىلۋدا.

دالىرەك ايتقاندا، قوسىلعان قۇنى جوعارى ونىمدەردى الا وتىرىپ، ەتاندى قايتا وڭدەۋ زاۋىتى جوسپارلانۋدا. قۇنى ازىرگە ەسەپتەلۋدە.

* يەسى – گاۋتاما اداني، ءۇندىستاندىق ميللياردەر، 2022 جىلدىڭ قىركۇيەگىندە Bloomberg مالىمەتتەرى بويىنشا، بايلىعى $128 ملرد-دى قۇرايتىن الەمدەگى ەڭ باي ادامدار تىزىمىندە ەكىنشى ورىندا.