سيدنەيدە ءتورت مەترلىك اق اكۋلا سۇڭگۋىردى جازىم ەتتى
بريتانيالىق سايمون نەلليست اۆستراليادا اكۋلانىڭ شابۋىلىنان كەيىن قايتىس بولدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
35 جاستاعى ەر ادام سارسەنبى، 16 اقپاندا قايتىس بولدى. ول سيدنەيدەگى كىشى شىعاناق ماڭىنداعى بيۋچان-پوينتتان بىرنەشە مەتر جەردە ءجۇزىپ كەلە جاتقاندا، وعان ءتورت مەترلىك اكۋلا شابۋىل جاساعان.
دايۆينگ نۇسقاۋشىسى سۋعا تۇسۋگە دايىندالىپ جاتقان.
ولاردىڭ ايتۋىنشا، اكۋلا سۇڭگۋىردىڭ دەنەسىن بولشەكتەپ تاستاعان.
مارقۇمنىڭ تۋىسى دجەكي سيگەر تۇسىندىرگەندەي، نەليست ءارقاشان تەڭىزدى جاقسى كورگەن.
«ول جابايى تابيعات پەن الەمدى جاقسى كوردى. ونىڭ تابيعاتقا دەگەن شىنايى سۇيىسپەنشىلىگى بولدى. ول ءومىردى جاقسى كورەتىن وتە مەيىرىمدى جانە قامقور ادام ەدى»، –دەپ قوستى ول.
بۇل سيدنەيدە 1963 جىلدان بەرى 60 جىل ىشىندە اكۋلالاردىڭ ولىمگە اكەلگەن العاشقى شابۋىلى ەكەن.