دۇنيەجۇزىندە بالالاردىڭ 25 پايىزدان استامى، دالىرەگى، 440 ميلليونعا جۋىق بالا تويىپ تاماقتانبايدى.
سونىمەن قاتار، ولاردىڭ 180 ميلليونى ازىقتىڭ ەكى تۇرىنەن اسپايتىن ءدامدى قاناعات تۇتىنۋىنا تۋرا كەلەدى، دەپ حابارلايدى Almaty-akshamy.kz Islam.kz-كە سىلتەمە جاساپ.
بۇكىل الەمدىك بaلaلaر قۇقىعىن قورعaۋ ۇيىمىنىڭ بەكىتكەن تaلaپتaرىنa سايكەس بالا قالىپتى جەتىلۋى ءۇشىن 5 جاسقا دەيىنگى ەمشەك ءسۇتىن، جارمانى، اسىرەسە، ا دارۋمەنىنە باي جەمىس-جيدەك پەن كوكونىستەردى، جاڭعاقتاردى، ءسۇت ونىمدەرىن، بالىق، تاۋىق جانە ەت ونىمدەرىن تۇتىنۋى كەرەك.
«تويىپ تاماقتانبايتىنداردىڭ جارتىسىنا جۋىعىن قۇرايتىن، ەكى ءتۇرلى تاعامدى عانا تۇتىناتىن بالالار ولاردىڭ دامۋىنا اسەر ەتەتىن، ءتىپتى، ولىمگە اكەلۋى مۇمكىن اشتىق ازابىن تارتۋى مۇمكىن. بۇلاي وسكەن بالا ءالجۋاز بولىپ كەلەدى، جارىتىپ ءبىلىم المايدى، سونىڭ كەسىرىنەن كەيىن جالاقىسى تومەن جۇمىسقا ورنالاسادى، بۇل كەدەيلىك سيكلىنىڭ كەلەسى ۇرپاقتا قايتالانۋىن تۋدىرادى. مي مەن جۇرەكتىڭ، يممۋندىق جۇيەنىڭ دۇرىس جۇمىس ىستەۋى ادام اس ارقىلى تۇتىناتىن دارۋمەندەر، مينەرالدار مەن اقۋىزعا بايلانىستى»، - دەپ مالىمدەدى يۋنيسەف باسشىسى كەترين راسسەل.
اشقۇرساق بالالار قاراسى 20 ەلدە كوپ، سونىڭ ىشىندە، اشتىق ازابىن تارتقان بالالاردىڭ 90 پايىزى گازا سەكتورىندا، ودان كەيىنگى ورىندا سومالي، گۆينەيا، گۆينەيا-بيساۋ جانە اۋعانستان تۇر.