دۇنيەجۇزىلىك كوشپەندىلەر ويىندارىنىڭ وتكىزىلۋىنە وراي ىشكى ىستەر مينيسترلىگى قوعامدىق ءتارتىپ پەن قاۋىپسىزدىكتى قامتاماسىز ەتۋ ماقساتىندا بۇكىل ەل بويىنشا قىزمەت اتقارۋدىڭ كۇشەيتىلگەن نۇسقاسىنا كوشتى.
حالىقارالىق ءىس-شارانىڭ استانادا وتەتىنىن ەسكەرە وتىرىپ، ەلورداعا ەرەكشە نازار اۋدارىلدى، دەپ حابارلايدى aqshamnews.kz Polisia.kz-كە سىلتەمە جاساپ.
3 قىركۇيەك كۇنى مۇندا قىزمەتكە كىرىسەتىن كەشەندى كۇشتەردىڭ جالپى گارنيزوندىق جيىنى بولدى. ءىىم باسشىلىعى جەكە قۇرامنىڭ قويىلعان مىندەتتەردى ورىنداۋعا دايىندىعىن تەكسەردى. قىزمەتكەرلەر قۇقىق بۇزۋشىلىقتاردىڭ الدىن الۋعا، قوعامدىق ورىنداردا قۇقىقتىق ءتارتىپتى ساقتاۋعا، سونداي-اق ازاماتتارمەن ءوزارا ءىس-قيمىل جاساۋ كەزىندە سىپايىلىق تانىتۋعا باعدارلانعان.
ءىىم ەلوردا تۇرعىندارى مەن قوناقتارىن زاڭدى ساقتاۋعا، قۇقىقتىق ءتارتىپتى قامتاماسىز ەتۋگە باعىتتالعان قاۋىپسىزدىك شارالارىنا تۇسىنىستىكپەن قاراۋعا شاقىرادى.