استانادا 5ء-شى دۇنيەجۇزىلىك كوشپەندىلەر ويىندارىنا ارنالعان مەرەيتويلىق پوشتا ماركاسى سالتاناتتى تۇردە تانىستىرىلدى
5ء-شى دۇنيەجۇزىلىك كوشپەندىلەر ويىندارى قارساڭىندا «قازاقستاننىڭ مادەنيەتى مەن سپورتى» اياسىندا مەرەيتويلىق پوشتا ماركاسىن ارنايى مورلەۋ ءراسىمى ءوتتى، دەپ حابارلايدى aqshamnews.kz
بۇل وقيعا كوشپەندى حالىقتاردىڭ باي مادەني مۇراسىن قۇرمەتتەيتىن جانە باعالايتىن بارلىق جاندار ءۇشىن ماڭىزدى شارا. مورلەۋ ءراسىمى رەسمي ۇيىمداستىرىلدى. ءىس-شاراعا 5ء-شى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ ديرەكسياسىنىڭ باسشىسى نايل نۇروۆ جانە «قازپوشتا» اق باسقارما ءتورايىمى اسەل جاناسوۆا ارنايى پوشتا مورىمەن مورلەۋ ءراسىمىن جۇرگىزدى. ءراسىم بارىسىندا دكو ديرەكسياسىنىڭ باسشىسى نايل نۇروۆ بۇگىنگى ءىس-شارانىڭ ماڭىزدىلىعىن اتاپ ءوتىپ، ونىڭ مادەني مانىنە ەرەكشە توقتالدى.
«5ء-شى دۇنيەجۇزىلىك كوشپەندىلەر ويىندارى – بۇل تەك سپورتتىق ءىس-شارا عانا ەمەس، ءبىزدىڭ داستۇرىمىزبەن، مادەني مۇرامىزبەن بىرەگەي بايلانىس. مەرەيتويلىق پوشتا ماركاسىن شىعارۋ – بۇل ءبىزدىڭ وتكەنىمىزگە دەگەن ماقتانىشتىڭ جانە ونى بولاشاق ۇرپاققا جەتكىزۋگە دەگەن ۇمتىلىسىمىزدىڭ سيمۆولى. بۇل باستامانىڭ ادامداردى بىرىكتىرىپ، كوشپەندى حالىقتاردىڭ مادەني داستۇرلەرىن ساقتاۋعا جانە دامىتۋعا شابىتتاندىراتىنىنا سەنەمىز جانە قۋانىشتىمىز».
«5ء-شى دۇنيەجۇزىلىك كوشپەندىلەر ويىندارى اياسىندا مەرەيتويلىق پوشتا ماركاسىن شىعارۋ – بۇل تەك ءبىزدىڭ مادەني مۇرامىزعا دەگەن قۇرمەت بەلگىسى عانا ەمەس، سونىمەن قاتار كوشپەندى حالىقتاردىڭ داستۇرلەرىن ساقتاۋ مەن ناسيحاتتاۋعا قوسقان ەلەۋلى ۇلەسىمىز. ءبىز مادەني ديالوگتىڭ دامۋىنا جانە ۇرپاقتار اراسىنداعى بايلانىستى نىعايتۋعا ءوز ۇلەسىمىزدى قوسا الاتىنىمىزدى ماقتان تۇتامىز»،- دەدى «قازپوشتا» اق باسقارما ءتورايىمى اسەل جاناسوۆا.