CEZ دۇنيەجۇزىلىك يادرولىق قاۋىمداستىقتىڭ ۆيسە-توراعاسى بوگدان زرونەك (چەحيا) دەكاربونيزاسيا جانە ەنەرگيا قاۋىپسىزدىگى تۋرالى سۇحبات بەرىپ، اتوم ەنەرگەتيكاسىن دامىتۋدىڭ ستراتەگيالىق تاسىلدەرى مەن جوسپارلارىن كورسەتتى، دەپ حابارلايدى aqshamnews.kz.
زرونەك چەحيانىڭ ۇلتتىق ەنەرگەتيكالىق ساياساتىنىڭ ەۋروپالىق وداقتىڭ ماقساتتارىنا سايكەستىگىن جانە كليماتتىق ماقساتتارعا جەتۋ ءۇشىن كومىر ءوندىرۋدى ازايتۋدىڭ ماڭىزىن اتاپ ءوتتى. ول دۋكوۆانا مەن تەمەلين الاڭدارىندا جاڭا اتوم بلوكتارىن سالۋ جوسپارلارى تۋرالى ايتتى. سونداي-اق اتوم ستانسيالارىن سالۋ مەن پايدالانۋدا قازاقستاندىق ونەركاسىپتى پايدالانۋ الەۋەتىن قاراستىرىپ وتىر.
زرونەك اتوم ەنەرگەتيكاسىن قوعامدىق قولداۋدىڭ ماڭىزىن جانە جاڭا اتوم وبەكتىلەرى ءۇشىن ورىندى مۇقيات تاڭداۋ قاجەتىن اتاپ ءوتتى. سونىمەن قاتار جوبالاردىڭ ەكونوميكالىق جانە تەحنيكالىق اسپەكتىلەرى، سونىڭ ىشىندە ونەركاسىپ پەن بيزنەستىڭ ۇزاق مەرزىمدى پايداسى، جەتكىزىلىم قاۋىپسىزدىگى جانە ىقتيمال تاۋەكەلدەرگە توزىمدىلىك تالقىلانادى.
“ءبىز كليماتتى قورعاۋدىڭ ۇلتتىق ستراتەگياسىمەن، سونداي-اق ۇلتتىق ەنەرگەتيكالىق ساياساتپەن راستالعان كومىرتەكسىزدەندىرۋ ۇردىستەرىن ۇستانامىز جانە بۇل ەۋروپالىق وداقتىڭ ماقساتتارىنا ساي كەلەدى. سونىمەن قاتار قازىرگى الەمدە كومىر نەگىزىندەگى ەلەكتر ەنەرگياسىن ءوندىرۋدى ازايتۋدىڭ ەكونوميكالىق سەبەپتەرى بار. سوندىقتان ءبىز الداعى جىلدارى قانداي ەنەرگيا كوزدەرى قولجەتىمدى بولاتىنىن بولجاۋعا تىرىسامىز. ءبىزدىڭ شەشىمىمىزگە كەلسەك، ەلەكتر ەنەرگياسىنىڭ شامامەن جارتىسىن اتوم ەنەرگياسىنان، ال قالعان بولىگىن جاڭارتىلاتىن كوزدەردەن جانە گازدان العىمىز كەلەدى”، – دەيدى بوگدان زرونەك.
ول قازاقستاننىڭ ءداستۇرلى تۇردە وتىنمەن قامتاماسىز ەتۋ سالاسىندا وتە كۇشتى ەكەنىن اتاپ ءوتتى.
“بۇل سالانى جالعاستىرۋ جانە كەڭەيتۋ تۇرعىسىنان ءسىزدىڭ ەل ءۇشىن ارتىقشىلىق بولىپ سانالادى. تۇتاستاي العاندا، بيىل قازاقستاندىق ونەركاسىپتى پايدالانۋ نەمەسە ەكى كەزەڭدە دە جاڭا قۋاتتىلىقتاردى قۇرۋ الەۋەتى بار دەپ ەسەپتەيمىن: قۇرىلىس كەزەڭىندە جانە الەۋەتتى اتومدىق بلوكتاردى پايدالانۋ جانە تەحنيكالىق قىزمەت كورسەتۋ كەزەڭىندە. بۇل – جەرگىلىكتى ونەركاسىپتى پايدالانۋ جانە سىزدەردىڭ قازىرگى جاعدايىڭىزعا جانە جاڭا ەلەكتر ستانسياسىنا ارنالعان الەۋەتتى كەلىسىمشارتتارعا نەگىزدەلگەن جەكە شەشىمدى قۇرۋدىڭ ۇلكەن الەۋەتى. ويتكەنى ولار ءارتۇرلى بولۋى مۇمكىن. كەز كەلگەن زەرتتەۋ جوباcى مەن وبەكتىلەردىڭ جۇمىسىنان الىنعان تاجىريبەنى پايدالانۋ جانە ونى جەرگىلىكتى جاعدايلارعا قولدانۋ وتە ورىندى. سوندىقتان ءبىز كوپ نارسەنى بولىسە الامىز”، – دەيدى CEZ (چەحيا) دۇنيەجۇزىلىك يادرولىق قاۋىمداستىقتىڭ ۆيسە-توراعاسى.
اەس ۇلكەن ينۆەستيسيانى قاجەت ەتكەنىمەن ارزان، ءقاۋىپسىز جانە كومىرتەكسىز ەنەرگيامەن قامتاماسىز ەتەدى.
“اتوم ەلەكتر ستانسياسىنىڭ ءار قۇرىلىسى باستاپقى كەزەڭدە ايتارلىقتاي قوماقتى ينۆەستيسيانى قاجەت ەتەدى. بۇل وتە جىلدام اقشا اينالىمى بار زاماناۋي الەمدە وڭاي ەمەس. ەكىنشى جاعىنان، ول جەتكىلىكتى ارزان ەلەكتر ەنەرگياسىن جانە پايدالانۋ كەزىندە وتە تومەن وزگەرمەلى شىعىنداردى، سونىمەن قاتار وتە ۇزاق قىزمەت ەتۋ مەرزىمىن جانە تۇراقتى جانە ءقاۋىپسىز ءوندىرىستى قامتاماسىز ەتەدى. ارينە، ول قۇرامىندا سو2 جانە شىعارىندىسى جوق ەلەكتر ەنەگياسىن قامتاماسىز ەتەدى”، – دەيدى بوگدان زرونەك.
ايتۋىنشا، بۇل تاڭداۋ اتوم ەنەرگياسى جونىندەگى حالىقارالىق اگەنتتىكتىڭ ادىستەمەسىنە، اتاپ ايتقاندا TR 396: "اتوم ەلەكتر ستانسيالارىنا ارنالعان ۇسىنىستاردىڭ ەكونوميكالىق باعالاۋى" قۇجاتىنا نەگىزدەلگەن.
“ۇسىنىستى باعالاۋ تەحنيكالىق جانە كوممەرسيالىق تالاپتاردى، كەپىلدەر مەن ىقتيمال ءقاۋىپتى ەسكەرەدى. ال باعالاۋ ناتيجەسى وندىرىلەتىن ەلەكتر ەنەرگياسىنىڭ تۇپكىلىكتى قۇنى بولادى. 3+ دەڭگەيلى جوبانى تالاپ ەتەمىز. جوبا سونداي اق قاۋىپسىزدىك نەگىزدەرىنە تولىعىمەن ساي كەلەتىن جەرگىلىكتى شارتتاردىڭ نەگىزىندە، جەرگىلىكتى اتومدىق زاڭنامانىڭ جانە ەۋروپالىق كوممۋنالدىق قىزمەتتەردىڭ تالاپتارىنا تولىعىمەن ساي كەلەتىن رەتتەۋشى ورگانداردىڭ تالاپتارىنا سايكەس ليسەنزيالانادى”، – دەيدى ول.