سايران كولى درونمەن باقىلانۋدا

الماتىدا دروننىڭ كومەگىمەن شومىلۋعا تىيىم سالىنعان ورىندارعا باقىلاۋ جۇرگىزىلۋدە. 

قۇرىلعىنىڭ ەرەكشەلىگى – ول اۋەدەن باقىلاپ قانا قويماي، سونىمەن قاتار مۇندا رۇقسات ەتىلمەگەن بولىكتەردە جۇزگىسى كەلەتىن سايران كولىنە كەلۋشىلەردى قورقىتاتىن ديناميك تە قولدانىلادى. 

«بۇرىن سايران كولىن پاترۋلدەۋدى 109 قۇتقارۋ قىزمەتىنىڭ قۇتقارۋشىلارى ەكى باعىت بويىنشا ەكى شاعىن كەمەلەرمەن جۇرگىزەتىن، سونداي-اق شاعىن كەمەلەرمەن باقىلانبايتىن اۋماقتا جاعالاۋ سىزىعىن جاياۋ پاترۋلدەۋ جۇرگىزىلدى. پاترۋلدەۋ جيىلىگى ءار 20 مينۋت سايىن ۇزاقتىعى 40 مينۋتقا  سوزىلاتىن. ياعني ۇزاق ۋاقىت كەتەتىن. ەندى بۇل ءادىس پاترۋلدەۋ ءۇشىن رەسۋرستاردى ءتيىمدى پايدالانۋعا، شومىلۋعا تىيىم سالىنعان ورىنداردى ءتيىمدى مونيتورينگىلەۋگە كومەكتەسەدى»، – دەپ اتاپ ءوتتى تجد وكىلى.

شومىلۋ ماۋسىمى باستالعالى بەرى تج دەپارتامەنتى، پوليسيا دەپارتامەنتى، رجقج جانە قۇتقارۋ قىزمەتىنىڭ 109 قۇتقارۋشىسى، ق ر ۇۇ 5571 اسكەري ءبولىمى، ەرىكتىلەر 300-دەن استام بىرلەسكەن رەيد جۇرگىزىپ، 4،5 مىڭنان استام جادىناما تاراتقان. ق ر اقبتك-نىڭ 440-بابى («الكوگولدى ىشىمدىكتەر ءىشۋ نەمەسە قوعامدىق ورىندارعا ماساڭ كۇيدە كەلۋ») بويىنشا اكىمشىلىك جاۋاپكەرشىلىككە 270 مىڭ تەڭگەدەن استام سوماعا 19 ادام تارتىلدى. جىل باسىنان بەرى سايران كولىندە ەكى ادام سۋعا باتىپ، تاعى التى ادام قۇتقارىلدى. كۋاگەرلەردىڭ ايتۋىنشا، سۋعا باتىپ كەتكەن ەكى ادام توپ بولىپ دەمالىپ، ارتىنان ىشىمدىك ىشكەن.