باس پروكۋروردىڭ بۇيرىعىمەن الماتى قالاسىنىڭ بوستاندىق اۋدانىنىڭ پروكۋرورى بولىپ جاكۋپوۆ اسحات نۇرسەرىك ۇلى تاعايىندالدى، دەپ حابارلايدى Almaty-akshamy.kz.
بوستاندىق اۋدانى پروكۋراتۋراسىنىڭ مالىمەتىنشە، اسحات جاكۋپوۆ پروكۋراتۋرا ەڭبەك جولىن 1999 جىلى الماتى پروكۋراتۋراسى جانىنداعى قۇقىقتىق ستاتيستيكا جانە اقپارات ورتالىعى ءبولىمىنىڭ باس مامانى بولىپ باستاعان.
ءار جىلدارى مەدەۋ، جەتىسۋ اۋداندارى پروكۋرورلارىنىڭ كومەكشىسى جانە اعا كومەكشىسى، الماتى قالالىق پروكۋراتۋرا باسقارماسىنىڭ پروكۋرورى، مەدەۋ جانە تۇركسىب اۋداندارى پروكۋرورىنىڭ ورىنباسارى، الماتى قالالىق پروكۋراتۋرا باسقارماسى باستىعىنىڭ ورىنباسارى، باستىعى بولىپ قىزمەت ەتكەن.
2019 جىلدان بۇگىنگە دەيىن الماتى قالاسىنىڭ مەدەۋ اۋدانىنىڭ پروكۋرورى بولىپ كەلدى.
پروكۋراتۋرا ورگاندارىندا 23 جىلدان ارتىق ەڭبەك ءوتىلى بار.
سىنىپتىق شەنى - اعا ادىلەت كەڭەسشىسى.