دۋباي بيلىگى Eحرو 2020 كورمەسىنە شامامەن 7 ميلليارد دوللار جۇمسادى.
تاماشالاۋعا قويىلعان 192 ەلدىڭ كورمەسى تەحنولوگيا، عىلىم مەن ونەر سالاسىنداعى جەتىستىكتەر مەن جاڭالىقتاردى كورسەتەدى، دەپ حابارلايدى Almaty-akshamy.kz Korrespondent.net سايتىنا سىلتەمە جاساپ.
بۇل كورمە بۇرىن COVID-19 كوروناۆيرۋس پاندەمياسىنا بايلانىستى ءبىر جىلعا كەيىنگە قالدىرىلعان بولاتىن. ونى كورۋگە 25 ميلليون ادام كەلەدى دەپ بولجانىپ وتىر.
الەم تۇرعىندارى بىرىككەن اراب امىرلىكتەرىنە ددسۇ بەكىتكەن COVID-19 ۆاكسينالارىنىڭ ءبىرىن تولىق سالدىرعان جاعدايدا عانا بارا الادى. كورمەگە كىرۋ ءۇشىن 18 جاستان اسقان بارلىق ادامدار ۆاكسينانى راستايتىن قۇجاتتى نەمەسە پتر تەستىنىڭ تەرىس ناتيجەسىن ۇسىنۋى قاجەت.