«ۇلى دالا ۇستازى» اتتى حالىقارالىق بايقاۋ جاريالاندى

بايقاۋعا 10 جاستان باستاپ 18 جاسقا دەيىنگى شەتەلدەگى جانە ەلدەگى قانداس وقۋشىلار قاتىسا الادى.

شىعارماشىلىق بايقاۋ قازاقتىڭ اسا كورنەكتى اعارتۋشى-پەداگوگى، جازۋشى، ەتنوگراف، فولكلورشى، قوعام قايراتكەرى ىبىراي ءالتىنساريننىڭ 180 جىلدىعىنا ارنالادى، دەپ حابارلايدى Almaty-akshamy.kz

«وتانداستار قورى» ۇلتتىق سانانى ساقتاۋ جانە ۇلتىمىزدىڭ ۇلى تۇلعالارىن ۇلىقتاۋ ارقىلى وسكەلەڭ ۇرپاقتى رۋحاني تۇرعىدا دامىتۋ ماقساتىندا «ۇلى دالا ۇستازى» اتاۋىمەن حالىقارالىق بايقاۋ جاريالادى.

«ۇلى دالا ۇستازى» حالىقارالىق شىعارماشىلىق بايقاۋى Facebook جانە Instagram الەۋمەتتىك جەلىلەرىنە #Ustaz180 حەشتەگىمەن بەينەجازبا جۇكتەۋ ارقىلى (اۋىزشا) جانە سونىمەن قاتار ەلەكتروندىق پوشتاعا (serik_abduali@mail.ru) شىعارما جولداۋ (جازباشا) ءادىسى بويىنشا وتكىزىلەدى.

بايقاۋ شارتى: 1. ىبىراي التىنسارين ولەڭدەرىنەن ءۇزىندى وقۋ (كەمى ەكى-ۇش شۋماق) 2. ىبىراي ءالتىنساريننىڭ دارا تۇلعاسىن ايشىقتاپ، ۇلى ۇستازدى ۇلىقتايتىن شىعارما جازۋ (كەمى ءبىر بەت - ا4 فورماتتا).

بايقاۋ وتەتىن ۋاقىت: 2021 جىلعى 1 قازان – 1 قاراشا ارالىعى. جۇلدەلى 3 ورىنعا «بالداۋرەن» رەسپۋبليكالىق وقۋ-ساۋىقتىرۋ ورتالىعىنا، نازاربايەۆ زياتكەرلىك مەكتەبىنىڭ جازعى لاگەرىنە جانە «تۋعان ەلگە ساياحات» تۋريستىك پويىزىنا تەگىن جولداما بەرىلەدى.

 جۇلدەلى ورىندار: I ورىن - بىرەۋ؛ II ورىن - بىرەۋ؛ III ورىن - بىرەۋ. بايقاۋ قورىتىندىسى قازىلار القاسىنىڭ ءادىل ىرىكتەۋىنەن وتكەن سوڭ قاراشا ايىنىڭ العاشقى كۇنىندە جەڭىمپازدار انىقتالىپ، ۇزدىك ۇشتىككە ەنگەندەردىڭ ەسىمدەرى 2 قاراشادا جاريالانادى.