قاراعاندى وبلىسىنداعى كوستەنكو اتىنداعى شاحتادا قازا تاپقان كەنشىلەردىڭ سوڭعىسىنىڭ دەنەسى 30 قازان كۇنى تاڭەرتەڭ تابىلدى، دەپ حابارلايدى almaty-akshamy.kz zakon.kz cىلتەمە جاساپ.
قاراعاندىلىق جۋرناليست اينۇر بالاكەشوۆا مارقۇم كەنشى سەرگەي كيسەليەۆتىڭ تۋىستارىنا سىلتەمە جاساپ حابارلاعانداي، ونىڭ دەنەسى 30 قازان كۇنى تاڭەرتەڭ تابىلدى. سەرگەي كيسەليەۆ كوستەنكو اتىنداعى شاحتاداعى اپاتتان قازا تاپقان كەنشىلەردىڭ سوڭعىسى بولدى.
"سوڭعى بولىپ ءبىزدىڭ اكەمىز تابىلدى، ول 35 جىلدان استام شاحتەر بولىپ جۇمىس ىستەدى"، - دەيدى سەرگەي كيسەليەۆتىڭ بالالارى.
ءمايىتى تابىلماعان سوڭعى كەنشىنى ىزدەۋ ءتۇنى بويى جالعاستى. توتەنشە جاعدايلار مينيسترلىگى مەن قاراعاندى وبلىسى اكىمدىگىنىڭ باسپا ءسوز قىزمەتتەرى قازا تاپقان كەنشىلەردىڭ سوڭعىسى تابىلدى دەگەن اقپاراتتى ازىرگە رەسمي راستاعان جوق.
وقيعا ورنىندا ارنايى كوميسسيا جۇمىس ىستەپ جاتىر.