دەنساۋلىق ساقتاۋ ءمينيسترى اقمارال ءالنازاروۆا شىعىس قازاقستان وبلىسىنا جانە اباي وبلىسىنا جۇمىس ساپارى شەڭبەرىندە ەكى مەديسينالىق كوللەدجدە بولىپ، ورتا مەديسينالىق پەرسونالدىڭ دايارلىق دەڭگەيىمەن تانىستى.
وسكەمەندە ۆەدومستۆو باسشىسى ەلىمىزدەگى بۇرىنعى وقۋ ورنىنا كۇردەلى جوندەۋ جۇرگىزۋ، پراكتيكالىق ساباقتار وتكىزۋ ءۇشىن مامانداندىرىلعان كابينەتتەرمەن جاراقتاندىرۋ قاجەتتىگىن اتاپ ءوتتى، سونداي-اق وقىتۋشىلار قۇرامىنىڭ بىلىكتىلىگىن ارتتىرۋ ماسەلەسى كوتەرىلدى، دەپ حابارلايدى aqshamnews.kz ق ر دسم-گە سىلتەمە جاساپ.
2025 جىلى مەملەكەت باسشىسى جۇمىسشى ماماندىقتار جىلى دەپ جاريالاعان دەنساۋلىق ساقتاۋ مينيسترلىگى بولاشاق مەيىرگەرلەر مەن فەلدشەرلەردىڭ ءبىلىمى مەن قۇزىرەتىنىڭ ساپاسىن ارتتىرۋعا باعىتتالعان ورتا مەديسينالىق پەرسونالدى دايارلاۋ تاسىلدەرىن قايتا قاراۋدا.
ورتا مەديسينالىق پەرسونالدى دايارلاۋ جۇيەسىندە نە وزگەرەدى؟
- ستۋدەنتتەردىڭ پراكتيكالىق داعدىلارىن كۇشەيتۋ؛
- كوللەدجدەردى جاراقتاندىرۋ ستاندارتتارىن قايتا قاراۋ؛
- وقىتۋشىلار قۇرامىنا قويىلاتىن تالاپتاردى ارتتىرۋ
- تالىمگەرلىك ينستيتۋتىن ەنگىزۋ
- مەيىرگەر ءىسىنىڭ باس شتاتتان تىس كۋراتورلارىن تاعايىنداۋ.
بىلىكتى مەديسينالىق كادرلارعا دەگەن قاجەتتىلىكتىڭ ارتۋى جاعدايىندا ورتا مەديسينالىق پەرسونالدى دايارلاۋ ستراتەگيالىق ماڭىزعا يە بولادى. بۇگىندە 2 مىڭنان استام ستۋدەنت وقيتىن وسكەمەن جوعارى مەديسينالىق كوللەدجى فەلدشەر، اكۋشەر، مەيىرگەر، زەرتحاناشى، فارماسيەۆت جانە ستوماتولوگ باعىتتارى بويىنشا ماماندار دايارلايدى.
بۇدان ءارى اباي وبلىسىنا ساپارى بارىسىندا مينيستر ءوڭىردىڭ دەنساۋلىق ساقتاۋ باسقارماسىنىڭ د. قالماتايەۆ اتىنداعى مەملەكەتتىك جوعارى مەديسينالىق كوللەدجىندە بولدى.