ءسۇت بەزى وبىرى بۇگىندە قازاقستاندا عانا ەمەس، بۇكىل الەمدە ونكولوگيالىق اۋرۋلاردىڭ ەڭ كوپ تارالعان تۇرلەرىنىڭ ءبىرى.
ددۇ دەرەكتەرى بويىنشا، بۇل وبىر قاتەرلى ىسىك دياگنوزدارىنىڭ 21%-ىن قۇرايدى. الەمدىك ستاتيستيكاعا سايكەس ونىمەنيجەر شارىنداعى ءاربىر سەگىزىنشى ايەل اۋىرادى.
ايەلدەردىڭ وسى ءقاۋىپتى اۋرۋ تۋرالى حاباردار بولۋىن ارتتىرۋ ءۇشىن جىل سايىن 15 قازاندا دۇنيەجۇزىلىك ءسۇت بەزى وبىرىمەن كۇرەس كۇنى اتاپ وتىلەدى، دەپ حابارلايدى aqshamnews.kz دەنساۋلىق ساقتاۋ مينيسترلىگىنە سىلتەمە جاساپ.
قازاقستاندا تەك 2023 جىلى ءسۇت بەزى وبىرىنىڭ 5،5 مىڭنان استام جاڭا جاعدايى انىقتالدى. ءبىر جىلدىڭ ىشىندە بۇل اۋرۋدان بولاتىن ءولىم 1 مىڭنان استام جاعدايدى قۇرادى.
سونىمەن قاتار، ءسۇت بەزى وبىرىن ەرتە كەزەڭدە ۋاقتىلى دياگنوستيكالاۋ كەزىندە ايەلدەردىڭ تولىق ەمدەلۋى 95%-عا جەتەدى.
بۇل اۋرۋدىڭ پروفيلاكتيكاسى جانە ەرتە دياگنوستيكالاۋ ماقساتىندا 40 پەن 70 جاس ارالىعىنداعى ءاربىر ايەل 2 جىلدا 1 رەت ءسۇت بەزى وبىرىنا ماممولوگيالىق سكرينينگتەن ءوتۋى كەرەك.
ءمامس شەڭبەرىندە تەگىن ونكوسكرينينگتى تىركەلگەن جەرى بويىنشا ەمحانالاردان وتۋگە بولادى.