قازاقستان رەسپۋبليكاسى اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىنىڭ قىزىلوردا وبلىستىق دەپارتامەنتى سۋارمالى ينجەنەرلىك دايىندالعان جەرلەردىڭ پايدالانىلۋىن مەملەكەتتىك باقىلاۋ ناتيجەسىندە 133 اگروقۇرىلىمىمەن 14،3 مىڭ گەكتار كولەمىندەگى 197 جەر ۋچاسكەسىندە ەگىندەردى الماستىرۋ (روتاسيا) سحەمالارىنىڭ ساقتالمايتىندىعىن انىقتادى، دەپ حابارلايدى aqshamnews.kz.
قازاقستان رەسپۋبليكاسىنىڭ جەر كودەكسىنىڭ 99-بابىنىڭ تالاپتارىنا سايكەس، سۋارمالى ينجەنەرلىك دايىندالعان جەر ۋچاسكەلەرىنىڭ يەلەرى مەن جەر پايدالانۋشىلار ەگىندەردى الماستىرۋ سحەماسىن ساقتاۋ، قاجەتتى مەليوراسيالىق جانە قالپىنا كەلتىرۋ جۇمىستارىن جۇرگىزۋ، سونداي-اق ۋچاسكەدە بار سۋارۋ جانە كوللەكتور-درەناجدىق جۇيەلەردى ءتيىستى جاعدايدا ۇستاۋ مىندەتتى.
وسىعان بايلانىستى، قازاقستان رەسپۋبليكاسىنىڭ «اكىمشىلىك قۇقىق بۇزۋشىلىقتار تۋرالى» كودەكسىنىڭ 338-بابىنا سايكەس، قۇقىق بۇزۋشىلىق جاساعان اگروقۇرىلىمدارعا 114 فاكت بويىنشا ەسكەرتۋلەر تۇرىندە اكىمشىلىك جازالار قولدانىلدى، سونداي-اق 19 فاكت بويىنشا قۇقىق بۇزۋشىلىقتى قايتالاعانى ءۇشىن 6،3 ميلليون تەڭگە كولەمىندە ايىپپۇل سالىندى.
اكىمشىلىك جازالارىمەن قاتار، قازاقستان رەسپۋبليكاسىنىڭ جەر كودەكسىنىڭ 93، 99، 148-باپتارىنا سايكەس قۇقىق بۇزۋشىلىقتاردى جويۋ تۋرالى ۇسىنىستار بەرىلدى.