قازاقستان پرەزيدەنتى قاسىم-جومارت توقايەۆتىڭ اكتەر، رەجيسسەر دوسحان جولجاقسىنوۆتى «وتان» وردەنىمەن ماراپاتتاۋ تۋرالى جارلىعى شىققانىن كەشە حابارلاعانبىز.
الماتىدا ق ر مەملەكەتتىك حاتشىسى قىرىمبەك كوشەربايەۆ قازاقستاننىڭ حالىق ءارتىسى، مەملەكەتتىك سىيلىقتىڭ ەكى دۇركىن يەگەرى دوسحان جولجاقسىنوۆقا «وتان» وردەنىن سالتاناتتى تۇردە تابىس ەتتى، دەپ حابارلايدى Almaty-akshamy.kz
بۇل مارتەبەلى ماراپات تانىمال اكتەرگە ۇلتتىق مادەنيەتتى، كينەماتوگرافيانى جانە تەاتر ونەرىن دامىتۋداعى ايرىقشا ۇلەسى ءۇشىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ جارلىعىمەن بەرىلدى.
شاراعا ق ر مەملەكەتتىك حاتشىسى قىرىمبەك كوشەربايەۆ، مادەنيەت جانە سپورت ءمينيسترى اقتوتى رايىمقۇلوۆا، كومپوزيتور تولەگەن مۇحامەدجانوۆ، الماتى قالاسى اكىمىنىڭ ورىنباسارى ەرجان باباقۇماروۆ، مادەنيەت پەن ونەر قايراتكەرلەرى قاتىستى.