جولدا اباي بولىڭىزدار!
"التىن وردا" بازارى ماڭىندا جاياۋ جۇرگىنشىنى كولىك قاعىپ كەتتى. ول وقيعا ورنىندا كوز جۇمدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الەۋمەتتىك جەلىدە قايعىلى وقيعانىڭ ۆيدەوسى تارادى. الماتى قالالىق پوليسيا دەپارتامەنتى بۇل جاعدايدىڭ 7 قازان كۇنى ساعات 18.50 كەزىندە بولعانىن حابارلادى.
«Volkswagen Passat» ماركالى اۆتوكولىكتىڭ ش. ەسىمدى جۇرگىزۋشىسى تاشكەنت جولىنىڭ بويىمەن شىعىس باعىتتا كەلە جاتىپ، نۇرلى كوشەسىمەن قيىلىستا ا. ەسىمدى كىسىنى قاعىپ كەتكەن. ول ءجۇرىس بولىگىن وڭتۇستىك باعىتتا، بەلگىلەنبەگەن جەرمەن ءوتىپ بارا جاتقان. «جول-كولىك وقيعاسى سالدارىنان العان جاراقاتتان 1944 جىلى تۋعان ايەل وقيعا ورنىندا كوز جۇمدى. قىلمىستىق كودەكستىڭ 345-بابى 3-بولىگى بويىنشا سوتقا دەيىنگى تەرگەۋ باستالدى»،- دەدى الماتى قالاسى پد انىقتاۋ باسقارماسىنىڭ باستىعى، پوليسيا پودپولكوۆنيگى ولجاس ءشارىپوۆ.