كوروناۆيرۋستىڭ دەلتا نۇسقاسىنىڭ سيمپتومدارى وتە اۋىر

دارىگەر الماتى تۇرعىندارىنا "دەلتا" نۇسقاسىنىڭ وتە اۋىر وتەتىنىن ەسكە سالدى

كوروناۆيرۋستىڭ "دەلتا" نۇسقاسىنىڭ سيمپتومدارى وتە اۋىر. بۇل تۋرالى الماتى قالاسىنىڭ №8 ەمحاناسىنىڭ باس دارىگەرى فاريدا اعىبايەۆا مالىمدەدى، دەپ حابارلايدى almaty-akshamy.kz

سيمپتومدار COVID-19 باستاپقى نۇسقاسىنا ءتان بەلگىلەردەن ەرەكشەلەنەدى.

«ناۋقاستاردىڭ ىستىعى كوتەرىلەدى، تاماق اۋرۋى پايدا بولادى جانە ءجيى باسى اۋىرادى. قاراپايىم سۋىق نەمەسە تۇماۋمەن شاتاستىرۋ وڭاي. ىندەت جۇقتىرعانداردا كوروناۆيرۋسقا ءتان ءيىس سەزبەۋ بولمايدى. ءبىراق ەرەكشە بەلگىلەر بار: جۇرەك اينۋ، قۇسۋ، ديارەيا جانە اسقازاننىڭ اۋىرۋى، قاتتى السىزدىك. اۋرۋدىڭ اعىمى كوروناۆيرۋستىق ينفەكسيانىڭ "دەلتا" نۇسقاسىندا جوعارى جىلدامدىقپەن سيپاتتالادى جانە ءجيى اۋىر بولادى – ناۋقاستاردا ورتاشا اۋىر، اۋىر، سيمپتومسىز جانە جەڭىل فورمالار ءجيى كەزدەسەدى»، - دەدى فاريدا اعىبايەۆا.

سونداي-اق، ەستۋ قابىلەتىنىڭ بۇزىلۋى، اسقازان-ىشەك پروبلەمالارى جانە قاننىڭ ۇيۋى قالادى.

ەگەر ناۋقاس  ۆاكسينالانباعان بولسا، وندا "دەلتا" نۇسقاسىن جۇقتىرعان كەزدە جاعدايى وتە اۋىر بولادى. №8 ەمحانانىڭ باس دارىگەرى تولىق يممۋندالعان ادامنىڭ دەرتى سيمپتومسىز نەمەسە الدەقايدا جەڭىل وتەتانىن ايتتى. سوندىقتان فاريدا اعىبايەۆا قوعامدىق دەنساۋلىق باسقارماسىنىڭ اتىنان الماتىلىقتاردى  ۆاكسينالانۋعا تاعى دا شاقىردى.