بەلگىلى اكتەر، كينورەجيسسەر، دوسقان جولجاقسىنوۆ تا ەلدەگى ساياسي وزگەرىستەرگە بەيجاي قاراماي، ءوز ويىن ورتاعا سالىپ پرەزيدەنت جولداۋلارىنىڭ مازمۇنىنا توقتالىپ ءوتتى.
2019 جىل... پرەزيدەنت «سىندارلى قوعامدىق ديالوگ قازاقستاننىڭ تۇراقتىلىعى مەن وركەندەۋىنىڭ نەگىزى» دەپ ويىن باستادى. 2020 جىل... «جاڭا جاعدايداعى قازاقستان – ءىس پەن قيمىلدىڭ كەزەڭى» دەپ ۇران تاستادى. 2021 جىلى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» دەپ ويىن جالعاستىردى. ال 2022 جىلدىڭ ناۋرىزىندا «جاڭا قازاقستان – جاڭارۋ مەن جاڭعىرۋ جولى» دەپ كورسەتتى. وسىدان بىرنەشە كۇن بۇرىن، 2022 جىلى قىركۇيەكتە «ادىلەتتى مەملەكەت – ءبىرتۇتاس ۇلت، بەرەكەلى قوعام» دەپ ءۇش تاعاندىق قاعيداتتى العا تارتىپ، حالقىن ۇشپاققا شاقىردى. مەملەكەت باسشىسى حالىق جاعىندا، مەملەكەت جاعىندا ەكەنىن كورسەتتى، - دەيدى اكتەر.
ءتىپتى، كۇنى كەشە عانا ەلىمىزدە وتكەن الەمدىك جانە ءداستۇرلى دىندەر باسشىلارىنىڭ VII سەزىندە دە ادىلەتتى الەم ماسەلەسى قوزعالعانىن تىلگە تيەك ەتتى.
«ريم پاپاسىن قارسى العان كەزدە مەملەكەت باسشىسى «ءسىز ءبىزدىڭ ەلگە ادامزاتتىق بەتبۇرىس كەزىندە كەلدىڭىز»، دەپ پاراساتتى ويىن ايتتى. بەس جولداۋدىڭ ىشىندە حالقىنىڭ بۇكىل مۇڭ-مۇقتاجى اتقارىلدى. ءبىراق سونىڭ ىشىندە ەڭ سوڭعى جولداۋدىڭ اتاۋىنىڭ ءوزى كوڭىلگە ۇلكەن سەنىم ۇيالاتادى.
«ادىلەتتى مەملەكەت – ءبىرتۇتاس ۇلت، بەرەكەلى قوعام». ياكي، ادىلەتتى مەملەكەتتە تۇراتىن ءبىرتۇتاس ۇلت بەرەكەلى قوعامعا كەپىل. ارينە، جولداۋدىڭ ىشىندە شوقتىعى بيىك نەبىر شەشىمدەر بار. سونىڭ ىشىندە – حالىق قورىنان كەلەشەك ۇرپاقتارىمىزعا اشىلاتىن ەسەپشوت. كەشەگى الپاۋىتتار پىشاق ۇستىنەن ۇلەستىرگەن ميلليونداعان گەكتار جەر تەلىمى مەملەكەتكە قايتارىلدى. قاڭتار وقيعاسى كەزىندە اسا اۋىر قىلمىس جاساماعاندارعا كەشىرىم»، – دەيدى د. جولجاقسىنوۆ.