ەلىمىزدە «دوسبولLIKE» رەسپۋبليكالىق اكسياسى باستالدى.
ول مەكتەپتەردەگى الەۋمەتتىك-ەموسيالىق احۋالدى جاقسارتۋعا باعىتتالعان، دەپ حابارلايدى اlmaty-akshamy.kz.
اكسيانىڭ ماقساتى − ىنتىماقتاستىق ارقىلى وڭ قارىم-قاتىناستىڭ ەڭ جاقسى جولدارىن تابۋ جانە ءبىلىم بەرۋ مەكەمەلەرىندە دوستىق، ءقاۋىپسىز كەڭىستىك قۇرۋ ءۇشىن وقۋشىلار قاۋىمداستىعىن بىرىكتىرۋ. «دوسبولLIKE» اكسياسى 2024 جىلدىڭ 17 قاڭتارىنان 17 اقپانىنا دەيىن جالعاسادى.
«دوسبولLIKE» جوباسى بالالاردىڭ الەۋمەتتىك-ەموسيانالدىق داعدىلارىن دامىتىپ قانا قويماي، ءبىلىم بەرۋ ورتاسىندا ساپالى ءوزارا قارىم-قاتىناس ءۇشىن بەرىك نەگىز قالايدى. ءبىز سىنىپتاردا سىندارلى ارەكەت ەتۋ داعدىلارىن جانە قولايلى پسيحولوگيالىق احۋالدى قالىپتاستىرۋ تابىستى ءبىلىم الۋدىڭ نەگىزگى قادامى بولاتىنىنا سەنىمدىمىز. «دوسبولLIKE» تەك جاي عانا باستاما ەمەس − بۇل ءبىزدىڭ ۇزدىك ءبىلىم بەرۋ تاجىريبەسىنە ينۆەستيسيامىز»، - دەپ اتاپ ءوتتى ق ر وقۋ-اعارتۋ ۆيسە-مينيسترى ەدىل وسپان.
اكسياعا بارلىق ورتا ءبىلىم بەرۋ ۇيىمدارىنىڭ 1-11 سىنىپ وقۋشىلارى، اتا-انالار، پەداگوگتەر، ەرىكتىلەر جانە الەۋمەتتىك سەرىكتەستەر قاتىسا الادى.
«مەنىڭ ويىمشا، بۇل جوبا ءبىز سياقتى وقۋشىلار ءۇشىن وتە پايدالى بولادى. قازىرگى قوعامدا جابىرلەۋ جانە الەۋمەتتىك تەڭسىزدىك سياقتى ماسەلەلەر ءجيى كەزدەسەدى. وسى جوبانىڭ ارقاسىندا وقۋشىلار ءوز قۇقىقتارى تۋرالى ءبىلىپ، باسقالارعا كومەكتەسىپ، مەيىرىمدىلىك تانىتا الادى»، - دەيدى 9 سىنىپ وقۋشىسى ءماسىمحان ەستىلەۋوۆ.
ايتا كەتەيىك، اكسيا اياسىندا كەلەسى باعىتتار بويىنشا ءىس-شارالار وتەدى:
• شىعارماشىلىق ىنتىماقتاستىق
• شاعىن زياتكەرلىك اكادەمياسى
• سپورتتىق دوستىق
• شەبەرلەر قالاسى
• جاقسى كوڭىل-كۇي
• ەرىكتىلەر جانە ت. ب.