Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى
ولسەڭ دە، قۇتىلمايسىڭ...
قازاقستاندا كوممۋنالدىق تولەمدەر مەن نەسيەلەر بويىنشا بەرەشەك مۇرا بولىپ سانالادى.
مۇرانى قابىلداعان ادام قايتىس بولعان تۋىسىنىڭ نەسيەسىن قارىز شارتىندا جازىلعان كەستە بويىنشا وتەيتىن بولادى. ەگەر بەرەشەكتى وتەۋ كەستەسى وعان ىڭعايسىز بولسا نەمەسە قارىزدى مەرزىمىنەن بۇرىن جاپقىسى كەلسە، مۇنىڭ ءبارىن نەسيە بەرۋشىمەن شەشىپ الۋى ءتيىس.
ەگەر قايتىس بولعان ادامنىڭ مۇراگەرلەرى بولماسا نەمەسە ولار مۇرانى پايدالانۋدان باس تارتسا، وندا ول يەسىز مۇلىك دەپ تانىلادى جانە ول كوممۋنالدىق مەنشىككە وتەدى.
60 جىلدا العاش رەت...
اۋەجاي كولىنىڭ ءتۇبى 60 جىلدان بەرىپ تازارتىلماپتى. بيىل الپىس جىلدان بەرى العاش رەت اۋەجاي كولىنىڭ ءتۇبىن تازارتىلاتىن بولدى. بۇل تۋرالى بۇگىن تۇركسىب اۋدانىنىڭ حالقىمەن كەزدەسكەن مەگاپوليس باسشىسى ەربولات دوسايەۆ ايتتى.
اكىمنىڭ ايتۋىنشا، اۋەجاي كولىنىڭ ءتۇبى تازارتىلىپ قانا قويماي، ودان ءارى اباتتاندىرىلىپ، جاياۋ جۇرگىنشىلەر كوپىرىنىڭ قۇرىلىسى مەن تۇبىندەگى سۋ اعىزۋ جۇمىستارى جۇرگىزىلەدى.
پويىز بيلەتىنىڭ قۇنىن قايتارا الامىز با؟
24 ساعاتتىڭ ىشىندە قايتارىلعان بيلەتتىڭ قۇنى دا تولىق بەرىلەدى. ال بۇدان از ۋاقىتتا نەمەسە پويىز جونەلتىلگەنگە دەيىنگى التى ساعاتتان كەشىكتىرمەي قايتارىپ ۇلگەرگەن جاعدايدا بيلەت باعاسى مەن پلاسكارتتىڭ 50 پايىز اقشاسىن قايتارىپ الا الاسىز. قالا ماڭىندا قاتىنايتىن پويىزدىڭ بيلەتىن وتكىزىپ، اقشانى قايتارۋعا بولادى. بيلەتتى پويىز جونەلتىلگەنگە دەيىن 24 ساعات ىشىندە قايتارعان جاعدايدا جولاۋشىعا تولىق جولاقى بەرىلەدى، ال 24 ساعاتتان از ۋاقىت ىشىندە، ءبىراق پويىز جونەلتىلگەننەن كەيىن ءبىر ساعاتتان كەشىكتىرىلمەگەن جاعدايدا جول ءجۇرۋ قۇنىنىڭ 70 پايىزى قايتارىلادى.
جاڭا ينۆەستور باعانى قىمباتتاتپاي ما؟
ۇكىمەتتە «قازاقتەلەكوم» اق-نىڭ ءموبيلدى وپەراتورلارىنىڭ ءبىرىن جاڭا ينۆەستورعا بەرۋ ماسەلەسى تالقىلاندى. قاتىسۋشىلار «قازاقتەلەكوم» اق كومپانيالار توبىن دەمونوپوليزاسيالاۋ بارىسىن تالقىلادى. اتاپ ايتقاندا، ءموبيلدى وپەراتورلاردىڭ ءبىرىن باسەكەگە قابىلەتتى نارىققا شىعارۋ پروسەسى قاراستىرىلدى. جالپى بۇل شارا حالىققا كورسەتىلەتىن قىزمەت ساپاسىن ارتتىرىپ، تەلەكوممۋنيكاسيا سالاسىنىڭ دامۋىنا وڭ اسەرىن تيگىزەدى دەپ كۇتىلۋدە.
زەينەتاقى كوبەيدى مە؟
«2024 – 2026 جىلدارعا ارنالعان رەسپۋبليكالىق بيۋدجەت تۋرالى» زاڭعا سايكەس ىنتىماقتى زەينەتاقى مولشەرى 2024 جىلعى 1 قاڭتاردان باستاپ 9 %-عا ءوستى. مەملەكەتتىك بازالىق زەينەتاقى تولەمىنىڭ مولشەرى ەڭ تومەن كۇنكورىس دەڭگەيىنىڭ ۇلعايۋىنا، سونداي-اق ەڭ تومەن مولشەردىڭ 60 %-دان 65 %-عا، ەڭ جوعارىسى ەڭ تومەن كۇنكورىس دەڭگەيىنىڭ 100 %-دان 105 %-عا دەيىن ۇلعايۋىنا بايلانىستى كوبەيدى.
مەملەكەت باسشىسىنىڭ العاشقى ساپارى
قازاقستان پرەزيدەنتىنىڭ 2024 جىلعى العاشقى ساپارى يتاليادان باستالدى.
قاسىم-جومارت توقايەۆتى ريم اۋەجايىنان يتاليانىڭ قورعانىس ءمينيسترى گۆيدو كروزەتتو، ريم پاپاسىنىڭ وكىلى فرانچەسكو كاناليني قارسى الدى. ەرتەڭ قازاقستان پرەزيدەنتى ۆاتيكاندا ريم پاپاسى فرانسيسكپەن كەزدەسەدى.
وباعا قارسى قاۋقارىمىز قانداي؟
وباعا قارسى قىزمەت جىلىنا ەكى رەت پروفيلاكتيكالىق جۇمىستار جۇرگىزەدى. ق ر دەنساۋلىق ساقتاۋ ۆيسە-مينيسترى، باس سانيتارلىق دارىگەر ايجان ەسماعامبەتوۆا سەناتتا قازاقستاندا وبا اۋرۋىنىڭ الدىن الۋ شارالارى تۋرالى ايتتى. سەنات دەپۋتاتى ەرنۇر ايتكەنوۆ كورشىلەس مەملەكەتتەردە اۋرۋ وشاقتارى بايقالسا، شەكارالاس ايماقتاردا اۋرۋ جۇقتىرۋ ءقاۋپى بار ەكەنىن اتاپ ءوتتى.
2000 پاتەر كىمگە بەرىلەدى؟
الماتى اكىمى ەربولات دوسايەۆ تۇركسىب اۋدانى تۇرعىنىنىڭ سۇراعىنا جاۋاپ بەرگەندە بيىل كوكتەمدە حالىقتىڭ الەۋمەتتىك وسال توپتارى ءۇشىن 2000 پاتەردى بەرىلەتىنىن ايتتى.
"ءبىز حالىقتىڭ وسال توپتارىنا ساناتىنا (حستس) پاتەر ساتىپ الدىق، مەن ءوزىم بارىپ كوردىم، تانىستىم. پاتەرلەردى قابىلداۋ راسىمىنەن كەيىن ءبىز مامىر ايىنىڭ سوڭىنا دەيىن كەزەكتە تۇرعاندارعا كىلتتەردى بەرۋگە تىرىسامىز. كوممۋنالدىق ينفراقۇرىلىمدى دامىتۋ باسقارماسى بەكىتىلگەن تىزىمدەردى تاعى بەر قاراپ شىعادى. جاقىن ارادا قالا كەزەكتە تۇرعاندار كوپتەن كۇتكەن قونىس تويىن اتاپ وتەدى دەپ ۇمىتتەنەمىن"، - دەپ ءتۇسىندىردى قالا اكىمى.
جاڭا جىلدى ناۋرىزدا تويلايمىز
سەناتتىڭ جالپى وتىرىسىندا دەپۋتات ءالي بەكتايەۆ جاڭا جىلدىڭ ورنىنا ۇلىستىڭ ۇلى كۇنىن ۇلىقتاۋ قاجەتتىگىنە توقتالدى.
«قازاقستان ءۇشىن بۇل مەرەكە ەرەكشە ماڭىزعا يە. حالقىمىزدا «ناۋرىز – ۇلىستىڭ ۇلى كۇنى، جىل باسى، كۇن مەن ءتۇننىڭ تەڭەلگەن كۇنى» دەپ ايتىلادى. ءدال وسى كۇندەرى بىتەلگەن بۇلاقتاردىڭ كوزىن اشىپ، جەرگە تال وتىرعىزىپ، اركىم ءوز اۋلاسى مەن ءۇي-جايىن تازالاعان. ەگىسكە شىعىپ ەگىن ەگىپ، مالمەن اينالىساتىندار ءتول الۋعا كىرىسىپ جىل باسى قايناعان ەڭبەككە ۇلاسقان.
بۇدان بۇرىن مەملەكەت باسشىسى قاسىم-جومارت توقايەۆ «Egemen Qazaqstan» گازەتىنە بەرگەن سۇحباتىندا ناۋرىز مەيرامىن جاڭاشا تويلاۋ تۋرالى ايتقان بولاتىن.
ارىستا باللون جارىلدى
ناۋبايحانا مەن جاقىن ورنالاسقان دۇكەننىڭ 200 شارشى مەترگە جۋىق اۋماعى ورتكە ورانعان. قۇتقارۋشىلاردىڭ ايتۋىنشا، گاز باللوندارىنىڭ ءبىرى ءورت ورنىنا جاقىن تۇرعاندىقتان گاز تەز قىزىپ، جارىلىس بولعان. زارداپ شەككەندەردىڭ ءبىرىنىڭ دەنەسىن 30 پايىز كۇيىك شالسا، ەكىنشىسىنىڭ دەنەسىنىڭ 70 پايىزى كۇيىپ قالعان.