بۇل وتكەن جىلمەن سالىستىرعاندا 8،7%-عا ارتىق.
جىل باسىنان بەرى قاراجاتتىڭ تەك 18%-ى عانا قولما-قول اقشاعا اينالدى، قالعان 82%-ى قولما-قول اقشاسىز بولدى، دەپ حابارلايدى Almaty-akshamy.kz.
2022 جىلدىڭ ءۇش توقسانىندا قازاقستاندا تولەم كارتالارىنان 16 تريلليون تەڭگە الىندى، بۇل 2021 جىلمەن سالىستىرعاندا ءبىر تريلليون تەڭگەگە ارتىق. ءبىر جىلداعى ءوسىم 6،9%-عا جەتتى. قازاقستاندىق جانە شەتەلدىك ەميتەنتتەر شىعارعان تولەم كارتالارىن پايدالانا وتىرىپ، ق ر اۋماعىندا اقشانى قولما-قول اقشاعا اينالدىرۋ كولەمى بەس جىلدا 2،1 ەسەگە، ال ونجىلدىقتا بىردەن 4،7 ەسەگە ءوستى.
التى جىل بۇرىن تولەم كارتالارى بويىنشا قاراجاتتىڭ جالپى اينالىمىنان قولما-قول اقشانىڭ ۇلەسى 87-90% ارالىعىندا وزگەردى، الايدا بەس جىل بۇرىن بۇل كورسەتكىش 82،1%-عا دەيىن، ءبىر جىل بۇرىن 23،2%-عا دەيىن تومەندەدى. ال 2022 جىلعى قاڭتار-قىركۇيەكتەگى ۇلەسى 18،3%-عا تەڭ.
تولەم كارتالارىنداعى اقشانىڭ ەداۋىر بولىگى بانكوماتتار ارقىلى قولما-قول اقشاعا اينالادى. ماسەلەن، قاڭتار-قىركۇيەك ايلارىندا تەرمينالدار ارقىلى 14،3 تريلليون تەڭگە الىندى. وتكەن جىلمەن سالىستىرعاندا 8،7%-عا ارتىق.
ق ر وڭىرلەرىنىڭ ىشىندە قولما-قول اقشا بەرۋدىڭ ەڭ ۇلكەن كولەمى الماتىعا تيەسىلى، ول 3،8 تريلليون تەڭگەگە جەتتى. ودان كەيىن استانا مەن شىمكەنت: تيىسىنشە 1،9 تريلليون جانە ءبىر تريلليون تەڭگەگە تەڭ. قولما-قول اقشانىڭ ەداۋىر كولەمى قاراعاندى جانە ۇلىتاۋ وبلىستارىندا، وندا 1،2 تريلليون تەڭگە بولادى.
قاراجاتتى قولما-قول اقشاعا اينالدىرۋ بويىنشا ءبىر ترانزاكسيانىڭ ەڭ ۇلكەن ورتاشا چەكتەرى استانا مەن الماتىدا دا تىركەلدى. استانادا 107،6 مىڭ بولسا، الماتىدا 106،1 مىڭ تەڭگە بولادى. ەڭ تومەنگى ورتاشا چەك سولتۇستىك قازاقستان وبلىسىنداعى بايقالدى، وندا 62،5 مىڭ تەڭگەگە تەڭ.