بيۋدجەت جوباسى تالقىلاندى.
الماتى اگلومەراسياسىن بىركەلكى دامىتۋ ارقىلى باسقارىلاتىن ۋربانيزاسيا. بۇل تۋرالى ەربولات دوسايەۆ الماتىنىڭ قالاسىنىڭ 2023-2025 جىلدارعا ارنالعان بيۋدجەت جوباسىن قاراۋ بارىسىندا ايتتى، دەپ حابارلايدى Almaty-akshamy.kz.
«قالا تۇرعىندارىنىڭ جوعارى ءومىر ءسۇرۋ ساپاسىن قامتاماسىز ەتۋ، قالانىڭ پوليورتالىق ءپرينسيپىن دامىتۋ ءۇشىن جاڭا قالا قۇرىلىسى قۇرالدارى مەن تاسىلدەرىن ەنگىزۋ ارقىلى زاماناۋي ۋربانيستىك شەشىمدەر قولدانىلاتىن بولادى. بۇل ءۇشىن ءبىزدىڭ مەگاپوليستە بەرىك نەگىز بار»، - دەدى ەربولات دوسايەۆ.
اكىمنىڭ ايتۋىنشا، ۋربانيزاسيا پروسەستەرىن تەزدەتىپ دامىتۋ جونىندەگى بولجامداردى ەسكەرە وتىرىپ، 2040 جىلعا دەيىنگى جاڭا باس جوسپارى ازىرلەندى. ەندى ونى 2023 جىلدىڭ I توقسانىندا قازاقستان رەسپۋبليكاسى ۇكىمەتىنىڭ شەشىمىمەن بەكىتۋ جوسپارلانىپ وتىر.
«2040 جىلعا دەيىنگى باس جوسپاردى بەكىتۋ اۋماقتاردىڭ اركەلكى دامۋىن جويۋعا، الەۋمەتتىك، ينجەنەرلىك جانە كولىكتىك قامتاماسىز ەتۋ، ينفراقۇرىلىمنىڭ بولۋى ماسەلەلەرىن شەشۋگە، الماتى حالقىنىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى»، - دەدى قالا اكىمى.