ونىڭ حابارلاۋىنشا، ەگەر دە دوپينگ داۋىندا ۇستالىپ، سپورتشىنىڭ كىناسى شىنىمەن انىقتالاتىن بولسا، وندا سپورتشى ديسكۆاليفيكاسياعا ۇشىرايدى.
«ونىڭ الدىندا الىنعان جۇلدەلەرى كەرى قايتارىلاتىن بولسا، اتاقتارى، ماتەريالدىق قامسىزداندىرۋ توقتاتىلادى. اقشالاي سىياقى دا قايتارىلادى. ەگەر سپورتشىعا پاتەر بەرىلگەن جاعدايدا، ول ونى ءوز اتىنا 10 جىلدان كەيىن عانا زاڭداستىرا الادى. سەبەبى، دوپينگكە تەكسەرۋ كەزىندە 2 پروبا الىنادى. ءبىرىنشىسى ول - ا پروباسى. بۇل پروبا سول مەزەتتە اشىلادى. ەكىنشىسى 10 جىلدان كەيىن عانا اشىلادى. سوندىقتان وسى ۋاقىتقا دەيىن ءۇي مەملەكەت اتىندا بولادى»، – دەدى سپيكەر.
ايگۇل بەكتەنوۆا ءار سپورتشى ءوز دايىندىعىنا جاۋاپتى ەكەنىن ەسكە سالدى. جوعارى ناتيجە كورسەتۋگە دايىندالىپ جاتقان سپورتشى وسىنى ۇمىتپاۋ قاجەت. دوپينگ وقيعالارىن بولدىرماۋ ءۇشىن جاۋاپتى مەكەمە دوپينگ سىنامالارىن الىپ قانا قويماي، ءار وڭىرمەن، مۇنداعى جاتتىقتىرۋشىلارمەن تىعىز جۇمىس ىستەيدى. ءجيى سەمينارلار مەن وقۋ وتكىزەدى.
«سپورتشى بىلمەۋى مۇمكىن. اۋىرعاندا قانداي دا ءبىر پرەپەرات ىشسە، سول پرەپارات ىشىندە تىيىم سالىنعان زاتتار بولۋى مۇمكىن. سونداي ولقىلىق بولماس ءۇشىن وقۋ وتكىزەمىز. اۋىر اتلەتتەردە سپورتتىق تاعامدار بار. ينتەرنەتتەن اشىپ قاراساق، ول – قولجەتىمدى. سپورتتىق تاماقتانۋ مەن قالپىنا كەلتىرۋ دارى-دارمەكتەرىن ۇلتتىق مەديسينا ورتالىعى نەمەسە فەدەراسيالار ارقىلى ساتىپ الۋدى ۇسىنامىز. ءوز بەتىمەن ساتىپ العاندار ءجيى زارداپقا ۇشىرايدى»، – دەدى ا.بەكتەنوۆا.