اقش پرەزيدەنتى دونالد ترامپ اق ۇيدە اۋىزاشار وتكىزىپ، مۇسىلمان ەلدەرىنىڭ وكىلدەرىن قابىلدادى.
ول ءوز سوزىندە 2024 جىلعى پرەزيدەنتتىك سايلاۋدا كورسەتكەن قولداۋى ءۇشىن مۇسىلمان قاۋىمىنا ريزاشىلىعىن ءبىلدىردى، دەپ حابارلايدى aqshamnews.kz.
ترامپ ءوز اكىمشىلىگىنىڭ باستى ماقساتتارىنىڭ ءبىرى – تاياۋ شىعىستا بەيبىتشىلىك ورناتۋ ەكەنىن اتاپ ءوتىپ، بۇل باعىتتا اۆراام كەلىسىمدەرىنە سۇيەنەتىنىن جەتكىزدى. سونىمەن قاتار، پرەزيدەنت اسىرەسە ميچيگان شتاتىندا تۇراتىن مۇسىلماندارعا ەرەكشە العىسىن ءبىلدىردى.
«مەن پرەزيدەنت بولىپ تۇرعانىمدا، سىزدەردى ءاردايىم قولدايمىن. مۇنى بىلۋلەرىڭىزدى قالايمىن»، – دەدى ترامپ.
سونداي-اق، ول بولاشاقتا مۇسىلماندارمەن تىعىز قارىم-قاتىناس ورناتۋعا نيەتتى ەكەنىن ايتتى.