KASE قازاقستان قور بيرجاسى 15:30-داعى جاعداي بويىنشا دوللاردىڭ ورتاشا ولشەنگەن باعامى 461،88 تەڭگەنى قۇراپ، تاعى 0،15 تەڭگەگە تومەندەگەنىن حابارلادى.
قالعان ۆاليۋتالار بويىنشا ساۋدا-ساتتىق جۇرگىزىلگەن جوق، دەپ حابارلايدى Almaty-akshamy.kz.
كەشەگى ساۋدا-ساتتىق قورىتىندىسى بويىنشا ەۋرو باعامى 503،65 تەڭگەنى قۇرادى.
ۇلتتىق بانك ەۋرو باعامىن 504،09 تەڭگەگە، ءرۋبلدى - 6،74 تەڭگەگە بەلگىلەدى.
ايىرباستاۋ پۋنكتتەرىندە دوللاردى 461،5-465 تەڭگەدەن، ەۋرونى 501-505 تەڭگەدەن، رەسەي ءرۋبلىن 6،45-6،7 تەڭگەدەن ساتىپ الادى/ساتادى.
سونىمەن قاتار 24 قاڭتارداعى ساۋدا-ساتتىق بارىسىندا الەمدىك مۇناي باعاسى ءبىرشاما تومەندەدى.
ماسەلەن لوندونداعى ICE Futures بيرجاسىندا Brent ماركالى ناۋرىز فيۋچەرستەرىنىڭ قۇنى 0،16%-عا تومەندەپ، باررەلىنە 88،05 دوللاردى قۇرادى.
NYMEX نيۋ-يورك تاۋار بيرجاسىنىڭ ەلەكتروندى ساۋدا-ساتتىعىندا ناۋرىز ايىنا ارنالعان WTI مۇناي فيۋچەرستەرىنىڭ باعاسى 0،02%-عا، باررەلىنە 81،60 دوللارعا دەيىن تومەندەدى.