حالىقارالىق ءبىلىم كۇنى 2019 جىلدان باستاپ اتالىپ وتەدى.
عىلىم جانە جوعارى ءبىلىم مينيسترلىگى بۇگىن حالىقارالىق ءبىلىم كۇنى ەكەنىن ەسكە سالدى، دەپ حابارلايدى Almaty-akshamy.kz
بۇۇ-نىڭ باس اسسامبلەياسىنىڭ 2018 جىلعى 3 جەلتوقسان كۇنى قارارىندا 24 قاڭتار كۇنىن حالىقارالىق ءبىلىم كۇنى دەپ جاريالادى. بۇعان سەبەپ – وسى كۇننىڭ تاتۋلىق پەن دامۋعا قول جەتكىزۋ بارىسىنداعى ءرولىن مويىنداۋ.
«بارلىعىنا ينكليۋزيۆتى جانە تەڭ ساپالى ءبىلىم بەرۋ جانە ءومىر بويى ءبىلىم الۋ مۇمكىندىكتەرىن قامتاماسىز ەتپەيىنشە، ەلدەر گەندەرلىك تەڭدىككە قول جەتكىزە المايدى جانە ميلليونداعان بالالاردى، جاستاردى جانە ەرەسەكتەردى ارتتا قالدىراتىن كەدەيلىك سيكلىن بۇزا المايدى»، - دەلىنگەن بۇۇ-نىڭ قارارىندا.
بۇگىندە شامامەن 258 ميلليون بالا مەن ءجاسوسپىرىم مەكتەپكە بارمايدى؛
617 ميلليون بالا مەن جاسوسپىرىمدە وقۋ مەن ماتەماتيكانىڭ قاراپايىم داعدىسى جوق؛
ساحارانىڭ وڭتۇستىگىندەگى افريكاداعى قىزداردىڭ 40%-دان ازى باستاۋىش ورتا ءبىلىمدى اياقتايدى، ال ءتورت ميلليونعا جۋىق بوسقىن بالالار مەن جاستار مەكتەپكە بارمايدى.