ناۋرىزباي اۋدانىنىڭ اكىمى نازيرا توعىزبايەۆا وكق بريفينگىندە اۋداندا اۋماقتاردى اباتتاندىرۋ جوبالارى قالاي جۇزەگە اسىرىلىپ جاتقانىن ايتتى.
ماسەلەن، اۋدان تۇرعىندارى «حالىق قاتىساتىن بيۋدجەت» اياسىندا 46 جوبانى ۇسىنىپ، ىسكە اسىردى. بۇل - قوعامدىق كەڭىستىكتى اباتتاندىرۋ، جول ينفراقۇرىلىمى جانە سىرتقى جارىقتاندىرۋ جوبالارى، دەپ حابارلايدى اlmaty-akshamy.kz. سونداي-اق قالقامان شاعىن اۋدانىندا سكۆەر اشۋ جوسپارلانۋدا.
«باعدارلامانىڭ تيىمدىلىگىن جانە قالا تۇرعىندارىنىڭ وڭ پىكىرلەرىن ەسكەرە وتىرىپ، باعدارلامانى قارجىلاندىرۋدى ۇلعايتۋ تۋرالى شەشىم قابىلداندى جانە 875 ملن تەڭگەگە قوسىمشا 16 جوبا ورىندالدى»، - دەدى ن. توعىزبايەۆا.
جوبا اياسىندا ءۇش جەراستى جاياۋ جۇرگىنشىلەر وتكەلىنە اعىمداعى جوندەۋ جۇرگىزىلدى، ءتورت ۋچاسكەدە اۆتوسۋارۋ جۇيەسىنىڭ جەلىلەرى ۇزارتىلدى
«كەلەسى جىلى ءبىز حالىقتىڭ ءومىر ءسۇرۋ ساپاسىن جاقسارتۋ، جايلى ءومىر ءسۇرۋ ورتاسىن قالىپتاستىرۋ بويىنشا جۇمىستى جالعاستىرامىز. 2024 جىلعا 2،5 ملرد تەڭگە سوماسىنا 40 جوبانى ىسكە اسىرۋ جوسپارلانۋدا»، - دەپ قورىتىندىلادى ول.