الماتىدا كەشەدەن بەرى حالىقارالىق گاستروفەستيۆال ءوتىپ جاتىر.
ءىس-شارا الەمنىڭ ءتۇرلى اسحاناسىن باعالاۋشى ناعىز تالعامپاز گۋرمانداردىڭ باسىن قوستى، دەپ حابارلايدى Almaty-akshamy.kz.
مۇندا الماتى تۇرعىندارى مەن قالا قوناقتارى عانا ەمەس، كاتار، ءباا جانە ۇلىبريتانيادان كەلگەن فۋدبلوگەرلەر، ءۇندىستان مەن قىتايدان كەلگەن تۋريستەر دە بار.
فەستيۆالدى الماتى قالاسىنىڭ تۋريزم باسقارماسى جانە قوناقتار ءۇشىن مەرەكەلىك اتموسفەرا جاساعان ارنايى ماماندار ۇيىمداستىردى.
فەستيۆالدە مەكسيكالىق، ليۆاندىق، امەريكالىق، ازيالىق تاعامداردان جانە قازاقتىڭ ۇلتتىق تاعامدارىنان ءدام تاتۋعا بولادى. ال بالالار ءۇشىن انيماتورلار ونەر كورسەتەتىن ارنايى ايماق ۇيىمداستىرىلدى.
مۇندا الەمدىك دەڭگەيدەگى اسپازداردىڭ اسپازدىق شوۋلارى مەن شەبەرلىك دارىستەرى، بارمەندەر مەن باريستالار سايىسى، فەرمەرلىك ونىمدەر كورسەتىلىپ، قولونەرشىلەر جارمەڭكەسى وتەدى. ءار كۇنى كەش سوڭىندا قوناقتارعا قازاقستاندىق ەسترادا ارتيستەرى ونەر كورسەتەدى.
Almaty Food Fest 2023 اباي اتىنداعى الاڭدا ەكى كۇن بويى - 4 جانە 5 قاراشا ارالىعىندا ءوتتى.