ول قازاقستاننىڭ وراسان زور كۇش-جىگەرىن جوعارى باعالادى
امەريكا قۇراما شتاتتارىنىڭ پرەزيدەنتى دجوزەف بايدەن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ اتىنا مەملەكەتىمىزدىڭ تاۋەلسىزدىگىنىڭ 30 جىلدىق مەرەيتويىمنا وراي قۇتتىقتاۋ جولدادى، دەپ حابارلايدى Almaty-akshamy.kz.
«قازاقستاننىڭ ورتالىق ازيادا مەن بۇكىلالەمدىك بەيبىتشىلىك، تۇراقتىلىق پەن گۇلدەنۋدى ساقتاۋ جولىندا كوش باستاپ كەلە جاتقانىنىڭ 30 جىلدىق مەرەيتويى قارساڭىنداعى قۋانىشىڭىزعا ورتاقپىن»، – دەپ جازدى امەريكالىق كوشباسشى.
ونىڭ پىكىرىنىشە، الداعى ۋاقىتتاعى ىقپالداستىق ەكى ەلدىڭ حالىقتارى ءۇشىن جاڭا جاھاندىق سىن-قاتەرلەردى ەڭسەرۋگە مۇمكىندىك بەرەدى. وسى ورايدا ول ورتالىق جانە وڭتۇستىك ازيا وڭىرلەرىندەگى ءوزارا بايلانىستار مەن ەكونوميكالىق وسۋگە ىقپال ەتۋ بويىنشا «قازاقستاننىڭ وراسان زور كۇش-جىگەرىن» جوعارى باعالادى.
«امەريكا قۇراما شتاتتارى قازاقستانمەن كەڭەيتىلگەن ستراتەگيالىق سەرىكتەستىكتى جانە وڭىرلىك تۇراقتىلىقتى ىلگەرىلەتۋ، كليماتتىق داعدارىستى شەشۋ، دەموكراتيالىق ينستيتۋتتاردىڭ تيىمدىلىگىن ارتتىرۋ مەن ادام قۇقىقتارىن قۇرمەتتەۋدى دامىتۋ بويىنشا ىنتىماقتاسۋعا نيەتتى»، - دەپ مالىمدەدى اقش پرەزيدەنتى.