قىسقى وليمپياداعا 3 مىڭداي سپورتشى قاتىسادى
قىتايدا قىسقى وليمپيادا ويىندارىنا دايىندىق جۇمىستارى اياقتالدى، دەپ حابارلايدى Almaty-akshamy.kz «حابار24» تەلەارناسىنا سىلتەمە جاساپ.
ەسكە سالا كەتسەك، وليمپيادا 4-20 اقپان ارالىعىندا بەيجىڭدە وتەدى. ودان كەيىن ەكى اپتا بويى پاراليمپياداشىلار ءوزارا مىقتىنى انىقتايدى. قىسقى وليمپياداعا 3 مىڭداي، ال پاراليمياداعا 736 سپورتشى قاتىسادى. جارىستار بەيجىڭ جانە وسى شاھارعا ىرگەلەس يانسين اۋدانى مەن كورشى پروۆينسياداعى چجانسزياكوۋ قالاسىندا وتەدى. قاتىناۋ ىڭعايلى بولۋ ءۇشىن قالاارالىق پويىزدار، اۆتوبۋستار مەن تاكسي قىزمەتى ۇيىمداستىرىلادى.
ال اۆتووكلىكتەر ءۇشىن جولدا ارنايى جولاق بولىنەدى. سپورتشىلار وليمپيادا اۋىلىندا ورنالاسادى. بەلگىلى بولعانداي شەتەلدىكتەر جارستى ءوز كوزىمەن كورە المايدى. ال جەرگىلىكتى كورەرمەنگە قاتىستى ماسەلە ءالى شەشىلگەن جوق.
بارمايتىن شىعارمىن، ويتكەنى ويىن اياقتالعاننان كەيىن كارانتيندە وتىرۋ كەرەك. قىتايدا ءوتىپ جاتسا دا، وعان قاتىسا المايتىنىم وكىنىشتى، - دەيدى تۇرعىندار.
قازان ايىندا جۇڭگو حالىقارالىق وليمپيادا كوميتەتىمەن بىرلەسىپ، ىندەتكە قارسى ورتاق ەرەجەنى ازىرلەدى. وليمپادا وتەتىن اۋماقتا سپورتشىلار، تىلشىلەر مەن كورەرمەن ەمىن-ەركىن قوزعالادى. الايدا سىرتقا شىعۋدىڭ ارنايى ءتارتىبى بار.
"جابىق اۋماقتان شىعۋدىڭ ەكى جولى بار. جارىسقا قاتىسقان شەتەلدىكتەردەن 48 ساعات بۇرىن پتر-تەست الىنىپ، حالىقارالىق رەيستەرگە قاجەتتى قۇجاتتى بەرىلەدى. ال ويىنداردان كەيىن قىتايدا قالاتىندار كارانتينگە جىبەرىلەدى. وقشاۋلانۋ مەرزىمى جارىس كەزىندە ىستەگەن جۇمىس ورنىنا بايلانىستى بولماق"، - دەدى بەيجىڭ قىسقى وليمپياداسى ۇيىمداستىرۋ كوميتەتى ناسيحات ءبولىمىنىڭ جەتەكشىسى چجاو ۆەيدۋن.
ۇيىمداستىرۋ كوميتەتى الەمدەگى ەپيداحۋالدى ءجىتى باقىلاپ وتىر. ساقتىق شارالارى دا كۇشەيگەن. ال قازان ايىنان بەرى وليمپيادا نىساندارىندا 8 حالىقارالىق جارىس ءوتتى.