دجو بايدەن كوروناۆيرۋس جۇقتىرىپ الىپتى.
اق ءۇيدىڭ باسپا ءسوز حاتشىسى كارين جان-پەر بايدەننىڭ سىرقاتى جەڭىل تۇردە ءوتىپ جاتقانىن مالىمدەدى، دەپ حابارلايدى almaty-akshamy.kz Egemen.kz-كە سىلتەمە جاساپ.
81 جاستاعى بايدەن سارسەنبى كۇنى لاس-ۆەگاستا وتكەن سايلاۋ الدى شاراعا قاتىسقان. جوسپار بويىنشا ول ءسوز سويلەۋ كەرەك ەدى.
جان-پەردىڭ ايتۋىنشا، پرەزيدەنت دەلاۆەردەگى ۇيىندە كارانتيندە بولىپ، بارلىق لاۋازىمدىق مىندەتتەرىن ورىنداماق.
بايدەننىڭ دارىگەرى كيەۆين و'كوننور پرەزيدەنتتىڭ Paxlovid پرەپاراتىن قابىلداعانىن مالىمدەگەن. العاشقىدا ول ءوزىن جاقسى سەزىنگەن، ءبىراق كەيىن تاعى ءبىر تەست ونىڭ كوروناۆيرۋستى قايتا جۇقتىرعانىن كورسەتكەن.
اقش دەموكراتيالىق پارتياسىنىڭ جەتەكشى ساياساتكەرلەرى مەن جاقتاستارى دجو بايدەندى پرەزيدەنتتىك سايلاۋدان باس تارتۋعا شاقىرعان.
ايتا كەتەيىك، دجو بايدەن قاراشاداعى سايلاۋدان كانديداتۋراسىن الىپ تاستاۋدان باس تارتقان.