اقش پەن جۇڭگو كوشباسشىلارى ءبىرقاتار ايماقتىق جانە جاھاندىق ماسەلەلەردى تالقىلايدى.
اق ءۇي بەيسەنبىدە پرەزيدەنت دجو بايدەننىڭ 2022 جىلدىڭ 14 قاراشاسىندا يندونەزيانىڭ بالي ارالىندا وتەتىن G20 ءسامميتى الاڭىندا جۇڭگو باسشىسى سي سزينپينمەن جوسپارلانعان كەزدەسۋىن جاريالادى، دەپ حابارلايدى Almaty-akshamy.kz "امەريكا داۋىسى" سايتىنا سىلتەمە جاساپ.
اق ءۇيدىڭ باسپا ءسوز حاتشىسى كارين جان-پەردىڭ ايتۋىنشا، بايدەن مەن سي ەكى ەل اراسىنداعى بايلانىس جەلىلەرىن ساقتاۋ مەن تەرەڭدەتۋ جولىندا بىرلەسىپ جۇمىس ىستەۋ شارالارىن قاراستىرادى. اقش پەن جۇڭگو كوشباسشىلارى ءبىرقاتار ايماقتىق جانە جاھاندىق ماسەلەلەردى تالقىلايدى.
اكىمشىلىكتىڭ اعا وكىلىنىڭ ايتۋىنشا، بايدەن قىتايمەن قارىم-قاتىناستىڭ ىرگەتاسىن سالۋعا دايىن، ءبىراق تۋىنداعان ماسەلەلەردى، اسىرەسە، تايۆان مەن ادام قۇقىقتارىن اشىق تالقىلاۋدان باس تارتپايدى.
رەسەيدىڭ ۋكرايناعا قارسى سوعىسى مەن سولتۇستىك كورەيا دا تالقىعا سالىنباق. اق ءۇي كەزدەسۋ ناتيجەسىندە ءبىر كەلىسىمگە كەلۋگە قاتتى ۇمىتتەنىپ وتىرعان جوق، دجو بايدەن تەك ەكى ەل اراسىنداعى قاتىناستىڭ نەگىزىن قالاۋدى كوزدەپ وتىر.