«كەڭەس وداعى تۇسىنداعى قازاقتان كينوسى» كىتابىنىڭ اۆتورى، امەريكالىق زەرتتەۋشى پيتەر روللبەرگتىڭ پىكىرى وسىنداي.
ۆاشينگتون ۋنيرۆەرسيتەتىندەگى اباي ورتالىعىندا مۇحتار اۋەزوۆتىڭ 125 جىلدىعىنا وراي وتكەن «ۇلى اۋەزوۆ مۇراسىن ۇلىقتاۋ» اتتى حالىقارالىق عىلىمي كونفەرەنسياعا قازاقستان، اقش، تۇركيا عالىمدارى قاتىستى، دەپ حابارلايدى Almaty-akshamy.kz.
سونداي اق قازاقتىڭ وزگە دە كلاسسيك جازۋشىلارىنىڭ شىعارمالارىن اعىلشىن تىلىنە اۋدارۋ، بالالار ادەبيەتىن اقش-تاعى قازاق دياسپوراسىنا ىقشامداپ ۇسىنۋ باستامالارى كوتەرىلدى.
«ەگەر «اۋەزوۆتىڭ «كوكسەرەگىن» الساق، بۇل اڭگىمەنى كەز كەلگەن وقىرمان تۇسىنە الادى. ءبىراق، باسقا ەلدىڭ وقىرماندارىنا تاڭسىق، ۇلتتىق ەرەكشەلىكتەر كورىنىس بەرەتىن دۇنيەلەردە كىرىسپە جاساۋ كەرەك، ماماندار ماعىناسىن ءتۇسىندىرىپ وتىرۋ قاجەت. بۇل اباي جولىنا دا قاتىستى. مەنىڭشە، روماندى قايتا اۋدارىپ، تۇسىندىرمەلەرىن قوسۋ كەرەك. ياعني، كوزى قاراقتى امەريكاندىق وقىرمان شىعارمانىڭ ءمان ماعىناسىن بويلاۋى ءتيىس. ءسوزسىز، بۇل بىرەگەي تۋىندى. سوندىقتان ونىڭ بىرەگەيلىگىن باتىس وقىرمانى تۇسىنە الۋى ماڭىزدى»، - دەيدى كينوتانۋ جانە حالىقارالىق قاتىناستار پروفەسسورى پيتەر روللبەرگ.